المساعد الشخصي الرقمي

مشاهدة النسخة كاملة : الوجبة المثالية للقطط - زيادة وزنهم - تغذية للمرضع



قطة سيامى
22-10-2010, 15:14
السلام عليكم .. كيفكم https://www.rise.company/forum/imgcache/3443.imgcache.gif

الكل يتسائل عن سر صحة و سمنة القطط المعروضه بالكاتريز بالنت وايش يأكلونهم وكيف يحافظون على شعرهم وصحتهم .. الخ

اليوم جبت لكم وجبه راااائعه من احد الكاتريز لكن بتجربتي و تصويري ^^


مزاياها :

- لذيذه وطعمها جداً محبب لدى القطط

- دسمه و مليئه بالبروتين و العناصر المهمه لبنية القطط

- تزيد وزن القطط بشكل ملحوظ

- تعيد للقطه الوالده صحتها وشكلها وتساعد بدر الحليب المشبع بالفيتامينات و العناصر المغذيه للكيتنز

- بعد عدة استخدامات تلاحظون على قططكم لمعان في الفرو واشراقه في العينين و نشاط ملحوظ


قبل ما ابدأ فيها حبيت اعطيكم شوية ارشادات بخصوصها
(ماكانت موجوده بالكاتري لكن اضفتها من عندي)

- الوجبه دسمه فيفضل مانعطي قططنا كمية كبيرة من اول مره والا ممكن يجيهم تلبك بالمعده

حاولوا تكون الكمية قليله وتزيدونها يوم عن يوم بالتدريج لحد مايتعودون عليها

- تعطى ثلاث مرات بالإسبوع حتى مانضغط كثير عالمعده

- تحفظ بالفريزر وليس بالثلاجه عشان نحتفظ فيها طازجه وقبل التقديم بساعه نطلعها تذوب شوي ونسخنها بالميكرويف

- لا تعطى للقطط تحت سن 3 شهور

- بالنسبه للحامل فتعطى منها مره بالإسبوع



طيب وبعد الإرشادات نجي للوجبه ..

راح اتكلم عن المقادير و الطريقه مع بعض << ماني راعية طبخات ههههه

نسلق الدجاج في موية مغليه لحد مايستوي بالكامل
(ممكن الدجاج يكون بعظم او دجاج فيليه وانا عن نفسي افضل الفيليه لأنه خفيف واقل دهون)

هنا استخدمت فيليه و فخذ عشان اوضح لكم الطريقه


https://www.rise.company/forum/imgcache/3444.imgcache


https://www.rise.company/forum/imgcache/3445.imgcache



بعد مايستوي نشيل الدجاج من المويه و (نحتفظ بالمرقه على جمب)

اذا برد الدجاج نشيل عنه الجلد ونبدا بنزع اللحم من العظم ونحاول نخليها قطع صغيره

وراح يصير عندنا بهالشكل << الفخذه راحت فيها https://www.rise.company/forum/imgcache/3446.imgcache.gif


https://www.rise.company/forum/imgcache/3447.imgcache



وبليز بليز بليز العظم ارموووه ولا تفكرون تعطونه لقططم ابد ادري بعضكم بيفكر يسويها ههههه لكن مش زين يتسبب بإنسداد في الأمعاء او اختناق لا سمح الله

بالنسبه للفيليه طبعاً نفتته كويس بالشوكه ويصير بهالشكل


https://www.rise.company/forum/imgcache/3448.imgcache



نكمل ..


مرقة السلق اللي حطيناها على جمب

نقسمها جزأين

الجزأ الأول نحطه عالنار و نضيف عليه (كبده دجاج مفرومه)

وهذا شكلها بعد مافرمتها بالخلاط


https://www.rise.company/forum/imgcache/3449.imgcache


تضاف على المرقه


https://www.rise.company/forum/imgcache/3450.imgcache



الجزأ الثاني من المرق نخففه بمويه و نسلق فيه رز


https://www.rise.company/forum/imgcache/3451.imgcache



بالنسبه لمفروم الكبده نحركها كويس مع المرق ونخليها عالنار لمده 10 دقائق إلى ربع ساعه ماراح نطول لأنه مفروم ويستوي بسرعه وبتلاحظون اللون يتغير


https://www.rise.company/forum/imgcache/3452.imgcache


بعد ما يستوي الرز كويس


https://www.rise.company/forum/imgcache/3453.imgcache


نضيفه على مرقة الكبده


https://www.rise.company/forum/imgcache/3454.imgcache


ونستمر بالتحريك ونخليه شوي عالنار راح نلاحظ انه صار ثقيل و جزيئات الكبده مسكت بالرز


https://www.rise.company/forum/imgcache/3455.imgcache


https://www.rise.company/forum/imgcache/3456.imgcache



وبعدها نضيف الدجاج على مزيج الكبده و الرز


https://www.rise.company/forum/imgcache/3457.imgcache


ونخليهم شوية عالنار مع التحريك المستمر لحد ماتنشف المرقة (جزئياً)


https://www.rise.company/forum/imgcache/3458.imgcache


راح يصير عندنا بهالشكل


https://www.rise.company/forum/imgcache/3459.imgcache


وبكذا انتهينا من الوصفه وباقي شئ أخير


https://www.rise.company/forum/imgcache/3460.imgcache


هالفيتامين جداً ممتاز وانا استخدمه لقططي من زمان وميزته خفيف القطط مايحسون لا بطعمه ولا رائحته مع الاكل

تضيفون منه شوي على حسب الكمية اللي سويتوها

طبعاً ممكن تستخدمون اي فيتامين عام من البيطري

وبعد ماتبرد توزعونها بعلب و تحفظونها بالفريزر


https://www.rise.company/forum/imgcache/3461.imgcache



وبالهنا و الشفا على قلوب قططكم https://www.rise.company/forum/imgcache/3462.imgcache.gif


..