المساعد الشخصي الرقمي

مشاهدة النسخة كاملة : الـفـطـريـات - الوقاية + العلاج



قطة سيامى
14-11-2010, 15:47
أظن الجميع يعاني من هذه المشكلة

طبعا الوقاية أفضل من العلاج .. في بعضكم يعتقد الفيتامين والنظافه فقط تحمي من الفطريات .. هالشي غلط هذا شي ثانوي وانتو ماسويتي الاولى من النظافة .. !!

الأكيد أن أخوانا اللي عايشين بالشقه يعانون منها واايد اكثر من الاخوان اللي عايشين بفلا

ما لاحظتو ان قطاو الشوارع مافيهم فطريات معنى مب نظيفين !!!

القط يحتاج في مكان هواء متجدد ومشمس .. يعني مب مكيف !!

لازم القطو اقل شي اطلعونه فالاسبوع مرتين أما المصاب بالفطريات 3 مرات وتحطونه فمكان فيه تيار هوائي ( مش فوقت البرد)

عشان تتجنبون نزلات البرد .. ومش تحطوني على الظهر والدنيا نار !!!

راح تحتاجون قفص شوي كبير عشان ماتهرب وتتعود على الخارج وبعدين تشرد منكم !!

حطوها على العصر يعني ساعه 4 وقت ماتبدا الشمس تبرد شويييه ومكان فيه تيار هوائي

هذا الشي راح يجنبها الفطريات وطبعا الشي الثاني وهو الاهتمام بنظافة القط !!

في شامبو خاص في علاج الفطريات .. يعني حتى لو مافيها راح تحتاجونه عشان تتجنبون حدوثه

ومش شامبو عادي للقطط !! .. ولو صابها الفطريات راح يعطيكم الدكتور العلاج بالمرهم والشامبو الخاص بالفطريات والبراغيث

وحتى فترة العلاج لاااااااااازم وضروري أطلعونها فالشمس

وذا القطوة لها غرفة خاصة مثلا فيها العابها واثاثها لازم أطلعونهم فالشمس يعني عالظهر يوم تكون الشمس حارقه ..

ولاتنسون تستمرون بالدواء الموصوف من قبل الدكتور

والآيدين ( الحار .. عرفتوه؟ اللي لون السائل أصفر ) حطو على مكان الفطريات 2-3 مرات فاليوم

( واللي مايعرفون شو معناة الفطريات وكيف شكلة )


هو تساقط شعر القط في بقع معينه في جسمة لدرجة أنك ترى جلدة

https://www.rise.company/forum/imgcache/4014.imgcache.jpg (https://www.rise.company/forum/imgcache/4014.imgcache.jpg)


ولكن بداية حدوثة سترى مثل القشرة بشكل متكتل ولونه أصفر وستلاحظ عندما تسحب الشعر من فوق هذه المنطقة سنقطع بحجم الخصلة ! وهنا يجب أن تسارع بكشط هذه القشرة ولكن بلطف حتى لاتسبب الضرر للجلد وبعدها ضع الآيدين الحار وأدهنه في نفس المنطقة