المساعد الشخصي الرقمي

مشاهدة النسخة كاملة : نهاية هوايا ( عوده للعاميه )



Eng Amr Adel
16-12-2009, 22:59
وأدى يا قلبى النهايه

أدى نهاية هوايا

جرح وحيره وهم

وحده وحال بيغم

أنا وإنت أهو حبينا

أنا وإنت مشينا

وطال علينا طريقنا

أدينا يا قلبى غرقنا

مشينا فى طريق بديناه

والحلم سوا بنيناه

الحلم أهو بيتهد

عمال الطريق يتمد

ولسه فيه ماشيين

يا خساره يا أحلى سنين

رحتى ليه منى ؟

ولا حاجه بتطمنى

على اللى جاى بكره

يا قلبى دى الذكرى

وحشه ومش بتسر

مليانه جرح ومر

أشواق وحب إتباع

وقلب إتملى أوجاع

واللى جاى ياعالم بيه

أنا حزنى بأخبيه

وأقول أتحمل وأصبر

ألاقى همومى بتكبر

والجرح ما بيتداوى

يا سنينى بالهداوه

ع القلب اللى خلاص داب

وعلم فيه العذاب

طالت عليا الليالى

ورخص اللى كان غالى

ووخدانا خطاوينا

فى دنيا ماشيه بينا

وخدانا للنهايه ،،

نهاية هوايا ،،

جرح وحيره وهم،،

وحده وحال بيغم .




https://www.rise.company/forum/images/primus/bw/misc/logo.png (http://3deeel.com/vb/mwaextraedit5/extra/08.gif)



عوده للعاميه المصريه

أرجو أن ترقى لذائقتكم

إحترامى