المساعد الشخصي الرقمي

مشاهدة النسخة كاملة : نصايح مهمين يخلوك فاهم



Rise Company
12-05-2016, 18:30
نصايح مهمين يخلوك فاهم عشان ميتنصبش عليك كتير من العملاء بيحصل معاهم مشاكل كتير اثناء تنفيذ المشاريع الخاصه ب Digital Solution وبينتهي الموضوع
بالاحباط من الشغل او حدوث مشاكل او تغيير الشركه ...الخ وده بينطبق في معظم حلول تكنولوجيا المعلومات
سواء كانت Web Solutions or Mobile Solutions Or Desktop Solution .... ETC
طيب ازاي تقدر تطلع بمشروع سليم مش بمشروع مليان اخطاء برمجيه ومليان مشاكل ، هنتكلم عن شويه حاجات بسيطه كده كمقدمه
عشان تبقي فاهم ازاي تنفذ شغلك لكن ان شاء الله في المقالات القادمه هنتكلم عن الموضوع بشكل اوسع



1- اتعامل مع شركه علي ارض الواقع ليها مقر وفيها موظفين ومتخليش حد يقولك الشركه بعيده ونتقابل في كافيه والكلام ده ولو حصل ان فعلا المشوار بعيد تتقابل في كافيه لكن ساعة توقيع العقود روح الشركه وشوف مكانها وشوف الموظفين وشوف حجمهم عامل ازاي
2- ركز في العقد واقراه كويس جدا واضمن حقوقك في بنود العقد لو لقيت الشركه عامله العقد كله مفيهوش ضمان ليك وكله ضمان ليها متطمنش اوي واطلب تعديل العقد وساعتها مش هيرفضوا لان طبعا انت هتبقي جاي تدفع فلوس فبالتالي محدش بيرفض فلوس هيغيروا العقد زي ما انت عايز عشان يضمنولك حقك
3- لازم يكون في ملحق تفصيلي بيحكي وبيشرح كل نقطه هتتم في المشروع مع تصور كامل ليها مرسوم علي الورق او مرسوم الكتروني ومطبوع لان طبعا مستحيل تقدر تشرح مشروعك في عقد والملحق ده لازم تمضوا انتم الاتنين عليه لان ده محل الخلاف دايما
4- اتفق مع الشركه او مدير المشروع انك تمشي بتكنيك ال Agile واستحاله تقبل تيكنيك ال Water fall ببساطه الAgile هتشوف مراحل مشروعك مرحله مرحله وهتتأكد انها طلعت بالشكل الي انت عايزه وهتتأكد ان الناس شغاله لكن لو مشيت water fall هتيجي في الاخر تتفاجئ انهم عامليين حاجات انت مش محتاجها او ركزوا علي حاجات وانت عايزهم يركزوا اكتر علي حاجات تانيه وطبعا ممكن يعملوا حاجات غلط لان طبعا اي مشروع بيتفهم بنسبه 75% كحد اقصي
5- خد بالك مفيش مشروع بيطلع من يوم وليله ومتخليش استعجالك يعملك مشاكل ويخلي الشغل يطلع متلصم وبعدين تدوخ في حل المشاكل وحط فتره تجربه 7 ايام علي الاقل ولو المشروع كبير خليه يتقسم علي مرحلتين او 3 مراحل وخلي كل مرحله منفصله بحاسبتها في العقد
6- خد بالك من موضوع اي موقع ب 1000 جنيه او 2000 جنيه او حتي 100 الف مفيش حاجه كده هل انت لما بتيجي تبني فيلا لما تكلفها 1000 زي لما تكلفها 100 الف طبعا مستحيل كل حاجه وليها سعرها ولو الشركه موضحتلكش ده تعرف انهم عايزين يقفلوا الديل بسرعه عشان يدخلوا شغل وفي الاخر هيفشل المشروع كل حاجه انت بتطلبها بتاخد وقت حتي لو ساعتين تلاته .... طيب تفتكر الساعتين التلاته دول واقفين علي الشركه بكام لو مثلا مرتب الموظف في الساعه x يبقي الساعه واقفه علي الشركه بحوالي 5X يعني مستحيل يعملوهالك ببلاش والا اعرف ان فيه حاجه غلط
7- هتلاقي شركات كتير بتقولك اعمل ورد بريس او اعمل اوبن كارت او اعمل جوملا او او او مسميات كتير اوي لحاجات جاهزه عشان ده بيبقي شغل جاهز علي الانترنت بيروح يشتري ثيم ب 14 دولار ويركبهولك وخلاص طبعا لو هتعمل كده روح اعمله بنفسك هتشوف درس علي اليوتيوب وتعمل موقع بالانظمه الجاهزه دي في ساعتين تلاته طبعا لما بتبني حاجه من الصفر بتبقي بروفيشنال اكتر لانها متفصله علي متطلباتك لكن الانظمه الجاهزه طبعا معموله لحاجات تانيه وده ميعيبهاش لكن احنا بنستخدمها استخدام خطأ للاسف يعني تلاقي موقع e-commerce معمول ب Word press ومتفهمش ازاي رغم ان Word press اصلا نظام اداره محتوي يعني خاص بالمواقع الصغيره خاص بمواقع الشركات البسيطه او المواقع الاخباريه البسيطه ,,,,, ركز اوي في الموضوع ده
8- اتعامل مع الشركه الي شايفها انهم فاهمين بجد مش بيبيعوا كلام وخلاص ومتتسرعش في اختيار الشركه ودايما بعد ما تشرح كل حاجه للشركه وقبل ما تتفق معاهم اسألهم سؤال بسيط اوي ..... قولهم ممكن تشرحولي المشروع بتاعي عباره عن ايه وهيتعمل فيه ايه بالظبط ؟؟ لو جاوبك بنسبه 50% من كلامك صح كده انت طريقك سليم لو اقل انت فاهم طبعا
9- اعمل سيرش عن الشركه قبل ما تتعاقد معاها وشوف الناس دي حد قايل عليهم حاجه مش تمام قبل كده ولا لأ ولو لقيت حاجه مش تمام ادخل واتاكد لان في بعض الناس بتشهر بالشركات بالسوء وبيبقي الخطأ من عندهم
10- اطلب الاطلاع علي السجل التجاري والبطاقه الضريبيه الخاصه بالشركه وخد صوره منهم لان ده من حقك عشان تتأكد انها شركه قائمه مش مجرد كام واحد واخدين شقه وكام جهاز وخلاص ولو هتتعامل مع فري لانسر خد احتياطاتك ويفضل تمضيه علي عقد صعب شويه او تدفع بعد الاستلام عشان متتعبش معاه