المساعد الشخصي الرقمي

مشاهدة النسخة كاملة : التحسينات داخل/خارج الموقع On/Off-page SEO



Rise Company
14-08-2016, 23:47
التحسينات داخل/خارج الموقع On/Off-page SEO

https://www.rise.company/forum/images/imported/2016/08/7.jpg

معني Search Engine Optimization


في الاف المواقع علي الانترنت في مختلف المجالات و كلنا بنستخدم محركات البحث بشكل يومي ...
ودايما بيلفت انتباهنا ليه مواقع معينة بتظهر في اول صفحة الاولي و مواقع تانية لأ .. السر في ان المواقع دي اهتمت بان يكون موقعها صديق لمحركات البحث.
محركات البحث زي جوجل و بينج وغيرها ليها شوية معايير بتهتم بيها علشان تقدر ترتب المواقع وتظهرلك أفضل النتائج بأفضل ترتيب.
يعني لو محتواك فريد من نوعه مش منسوخ هيفرق في ترتيب ظهورك في النتائج .. ولو موقعك صديق للموبايل هيفرق في ترتيبك في النتائج وغيرها من المعايير.
طيب لو هنتكلم عن السيو هنركز علي نقطتين يوصل بيهم موقعك لترتيب كويس



1- On-page SEO (التحسينات داخل الموقع):

سنذكر هنا العوامل اللي لازم تراعيها داخل الموقع:
1- المحتوى على الموقع
زي ما قولنا كل ما كان محتوي الموقع فريد من نوعه كل ما كان ترتيبك أفضل
2- عنوان المقال
كل ما كان لينك العنوان او المقال معبر عن محتواه كل ما كان أفضل ليك في محرك البحث
3- عناوين الصور
كتير مننا لما بينزل صورة في موقعه ما بيدهاش عنوان مع ان ده هيساعده كتير في تحسين وضع موقعه في محرك البحث
4- أداء موقعك
كل ما كان موقعك سريع واداءه عالي كل ما ده كان أفضل لترتيبك في محركات البحث



2- Off-page SEO (التحسينات خارج الموقع):


ودي الحاجات اللي بتعملها خارج الموقع بتاعك وبتفرق معاك كتير
1- الشبكات الاجتماعية
كل ما كان ليك هوية علي الشبكات الاجتماعية وفي تفاعل مستمر علي المحتوي اللي بتقدمه كل ما حسن من قيمة موقعك
لو عايز تعرف ازاي ممكن نساعدك في تكوين هويتك علي الشبكة الاجتماعية
2- نشر موقعك في محركات البحث
بعض محركات البحث ممكن تاخد شهور علشان تعرف موقعك .. طيب ليه ما تاخدش انت الخطوة الاولي وتعرفهم انت بموقعك ومنهم :
Google, Yahoo, MSN, Altavista, Alexa, Alltheweb, Lycos, Excite.
3- المنتديات والمدونات
ممكن تنشر في مواقع ومنتديات تانية حاجات مرتبطة بمجال موقعك وتحط رابط موقعك .. بس اوعي تنشر موقعك فيها بشكل عشوائي علشان ميأثرش عليك بالسلب
4- استهداف دولة
لو انت مستهدف دولة معينة بنشاطك التجاري او محتوي موقعك .. ده هيفرق معاك كتير جدا جدا وهيظهر موقعك في أول نتائج البحث في الدولة دي