نكت تحفة لازم تدخلو

شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟
================================================== =======
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
================================================== =======
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا
================================================== =======
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش
================================================== =======
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
================================================== =======
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
================================================== =======
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع
================================================== =======
واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!
================================================== =======
صرصار ندل عزم 4 اصحابه علي الغدا ولما اتجمعوا كلهم ... شد عليهم السيفوووووون
================================================== =======
كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا
================================================== =======
دكتور بيطري بيقول لمراته انا بهيم في حبك قالتله وانا ماقدرش ارفسلك طلب
================================================== =======
بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل
================================================== =======
عرض سارى ..... لوكاندة المفاجات ... تنام على السرير ب 10 جنيه .. تنام على البلاط ب 3 جنيه ..... تنام عليك حيطة .. على حساب الاوتيل
================================================== =======
الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا
================================================== =======
واحد كل ما يشوف متش كورة للفريق بتاعة . الفريق بتاعة يخسر .كل مرة على كدة . لحد ما فى يوم قرر انه ميتفرجش على كورة تانى . فكان فى يوم فى متش كورة للفريق بتاعة . و الفريق بتاعة جاب جون . جة يتفرج على الجون فى الاعادة الجون طلع كورنر
================================================== =======
بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر
================================================== =======
مرة واحد احول بعد 30 سنه اكتشف انه بصرف على بيت الجيران
================================================== =======
واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة
================================================== =======
مره واحد عاوز يفسح عروسته في شهر العسل فسحها في منحل
================================================== =======
ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش
================================================== =======
اتنين متجوزين كل ما يخرجوا فى حته مراته تقول له عايزة اروح جنينة الحيوان عند جبالية القرود.... و كل يوم تروح عند الجبلاية و تفضل تأكل القرود .... لغاية يوم الولادة دخلت تولد و لما الممرضة خرجت سألها الاب اية ولد ولاّ بينت ؟؟ فقالت له الحقيقة يافندم ملحقناش نعرف ... اول ما المولود نزل نط من الشباك
================================================== =======
مدرب كرة قاعد فى قهوة ..... طلب واحد قهوه وسط ... وأثنين هجوم
================================================== =======
محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب
================================================== =======
واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى
================================================== =======
واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده
================================================== =======
واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
================================================== =======
دكتور أول مره يخرج مع خطيبته دخل كافتريا المستشتفى .... و طلب 2 جالكوز
================================================== =======
واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية
================================================== =======
مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!
================================================== =======
واحد بيقول لمراته هو فين الكلب اللى جبناه يحرس البيت ؟؟؟ قالت له : سرقوه الحراميه أمبارح .
================================================== =======
مرة واحدة بتقول الى جوزها عيد جوازنا بكرة هتجيب لى ايه؟؟؟ قال لها هنقف دقيقتين حداد الصبح
================================================== =======
سأل المدير مراقب الامتحانات... ليه طردت التلميذ من الامتحان ؟ المدرس: كان بيغش .. المدير : إزاى ؟؟؟ المدرس : شفتة بيعد ضلوعة في مادة العلوم
================================================== =======
واحد اشترى موزة لقاها معوجة.... راح رجعها
================================================== =======
سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات
================================================== =======
قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى
================================================== =======
مصمم مواقع حلل دمه طلع فصيلته من النوع http
================================================== =======
مرة واحد عايز يحتفل بعيد الطفولة ..... راح عملها علي روحه
================================================== =======
مره واحد عايز يثبت التاني .... راح دالق عليه برطمان جيل كريم
================================================== =======
واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز
================================================== =======
مره استاذ بيقول للناظر..... الطلبه بينطوا من على السور..... الناظر قال له : هدوه
================================================== =======
واحد مسطول ماشى فى بيتهم خبط فى امه.. راحت قالت له:انت اعمى؟؟ مش شايفنى؟؟ بص لها بمنتهى الهدوء وقال:لأ ... انا شفتك طبعآ بس مش فاكر فين؟؟
================================================== =======
ظابط علي المعاش فتح محل حلاويات سماه التورتة في خدمة الشعب
================================================== =======
مره واحد عنده جموسه حرقها عشان ينزل اللبن مغلي
================================================== =======
مرة شرطي مرور مسك واحدبيعمل امركانى بالعربية .. وقاله ادفع مخالفة 50 جنيه ... رد السواق وقال :ماعيش إلا ورقة بــ 100 جنيه ..... قال له شرطي المرور خلاص روح اعمل أمريكانى بــ 50 جنيه تانيه ..وارجع
================================================== =======
واحد قال لأبنه: نابليون وهو أدك كان أول واحد في الفصل،... رد الواد على أبوه : نابليون وهو أدك يا بابا كان إمبراطور
================================================== =======
واحد بيسال ابوه بيقول له مين اللى جاب لك النجفة دى يابابا لما اتجوزت ماما ؟؟؟ قال له لأ .. ده جدك ........ الولد : طب مين اللى جابلك العربية ؟؟ قاله جدتك .... قال له امال ماما جابت لك ايه ؟؟؟ قال له الضغط
================================================== =======
مره واحد كان ماشي في الشارع بيقول حماتي حماتي.... واحد معدي بيقوله مالها حماتك؟؟ قال له الحمار رفسها ماتت ، قاله كل الناس دي جاية تعزي في حماتك؟؟ قاله لأ دول جايين يشتروا الحمار
================================================== =======
واحد بيسال صاحبه ليه الورق بيسقط في الخريف قاله اصله ما ذاكرش حاجه طول الصيف
================================================== =======
سأل الأب ابنته بعد امتحان القيادة هل نجحت فى امتحان القيادة ؟ لا أدرى .. فالممتحن لا يزال فى المستشفى
================================================== =======
صرصارخارج من السوبر ماركت فرحان عشان شاف صورته على علبة ريد
================================================== =======
واحد كمسري بيقول لابنه تذاااااااكـــــــــــــــــــــــر ............. تنجح
================================================== =======
مرة ست عجوزة قالوا لها الدش حرام قالت لهم الحمد للة بقالى 68 سنة بستحمى فى الطشت

واحد بيقول : انا بردان من المكيف , رد عليه واحد جنبه وانا منصور من طنطا
================================================== =======
واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة
================================================== =======
مسطول بيقول لزميله ... عود الكبريت ده مش راضى يولّع .. الثانى راح قال له: غريبة مع انى لسه مولعه من شويه
================================================== =======
واحد غبى اشترى جزمة رياضة اديداس .. لقاها 3 شرط ..... راح حاططها فى الشاحن
================================================== =======
واحد راح يشترى بيتزا، فالجارسون بيقوله اقطع لك البيتزا 6قطع ولا 8 قطع ؟؟؟؟؟؟ الراجل قاله : لأ 8 قطع عشان انا جعان قوى
================================================== =======
كان فيه ولد بيشوف دائما الحاجه اتنين ، وابوه بيشوف الحاجه اربعه ... فالولد ماشى فى الصاله شاف ابوه ، قاله اعملك شاى انت وعمى؟؟؟؟ رد الاب : بلاش صداع يا ولد خد إخواتك واخرجه بره
================================================== =======
عضو مجلس شعب اشترى تكيف لقى مالهوش صوت راح رجعه تانى
================================================== =======
طلب المعلم من التلميذ اعراب اسم منصور فاجاب التلميذ: من .. حرف جر ، و صور... مدينة في جنوب لبنان
================================================== =======
استاذ سال تلميذ الثعلب بيولد ولا بيبيض قاله ده مكار اتوقع منه اي حاجه
================================================== =======
اتنين ستات عواجيز نفسهم يتجوزوا وطبعا مش لاقيين فكروا يعملوا اعلان فى الجرنال كتبوا فية .......تزوج واحدة ..و احصل على الثانية ( مجانا
================================================== =======
الابن لأبيه:وجدت كرة ضائعة! -ومن أدراك أنها ضائعة؟! الابن:رأيت صاحبها يبحث عنها!
================================================== =======
مرة اتنين أغبيه عندهم حصانين.. فكانوا عايزين يعلموهم علشان ما يتلغبطوش بينهم .. الاول قطع اذن حصانه وراح قال للتاني ، فالتاني قاله ااه يخرب بيتك انا بردك عملت كده.... فالاول راح فقع عين حصانه ، و راح قال للتاني.... فالتاني قاله ااه يخرب بيتك انا بردك عملت كده.... فالاول قاله انت هتصدعنى في دماغي... خدت انت الحصان الاسود وانا الحصان البيض
================================================== =======
مرة واحد مسطول لبس جزمة فردة حمرا و فردة بيضا فحط رجل على رجل شافو مسطول صاحبه و قال اول مرة اشوف واحد حاطت رجله علىرجل الي جانبه
================================================== =======
واحد اشترى طبق دش ، اكبر حجم وحطه فوق السطوح.. وعلشان خايف عليه من السرقه نزل قال للحته كلها أن فيه كلب كبير جدا فوق السطوح ، فاتنين من اهل الحته خادهم الفضول .. فواحد بيقول للتاني تقدر تطلع تشوف الكلب قاله أيوه أقدر أنا مش بخاف... فطلع الراجل وشوية نزل يجري ... صاحبه بيقوله شفت الكلب قاله لا شفت الطبق اللى بياكل فيه
================================================== =======
مرة 2 مساطيل واحد بيقول للتانى انا بابا هو اللى بنى الأهرامات .راح التانى قالة انت عارف البحر الميت بابا اللى قتلة
================================================== =======
اتنين مساطيل ماشيين على سطح بيتهم واحد وقع فى الخزان ....التانى راح استناه عند الحنفية
================================================== =======
واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد.....
================================================== =======
واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت
================================================== =======
واحد كل م ينزل من بيته يلاقى واحد قاعد جنب عمود بيدخن سيجارتين فساله عن السبب.. قاله انه متعود هو و واحد صاحبه ان يقعدوا يشربوا سجاير هنا، بس صاحبه مات فبيشرب واحده ليه و واحده لصاحبه ...... بعد مده صاحب البيت شاف نفس الراجل تحت العمود بيشرب سيجاره واحده فقاله انت نسيت صاحبك ولا ايه ؟؟؟؟ قاله: لأ اصل انا بطلت
================================================== =======
زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين
================================================== =======
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا
================================================== =======
واحد قابل صاحبه قاله بقي يا راجل اشوفك امبارح انت و المدام في البلكونة و متسلمش عليا؟؟؟؟؟ قال له لا و الله مش انا
================================================== =======
اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!!!
================================================== =======
كان في أثنين تأخرو عن المدرسه سأل الأستاذ الطالب الأول لماذا تأخرت ؟ قال : حلمت أنني مسافر ، وسأل الثاني: وانت أيه أخرك؟ قال حلمت أني بودعه
================================================== =======
الأول : أهلا ياسر كيف حالك؟ لم أرك منذ فترة طويلة؟ لقد تغيرت كثيرا فقد ازداد وزنك ولون بشرتك تغير ايضا وصرت أصلع، و الثاني مقاطعا: أنا لست ياسر.... الأول : ياسبحان الله، حتى اسمك تغير
================================================== =======
مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه
================================================== =======
بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع.
================================================== =======
واحد اسمة شلبى كان مسافر بلاد برة ، فراح محطة القطر وطبعا هناك النظام آخر تمام ... فراح داخل فى مكنة التذاكر ، يحط ا الفلوس وتنزل له التذكرة ، فراح حط الفلوس والتذكرة نزلت له ، والمكنة راحت قايله مرحبا بالاستاذ شلبى سوف تركب قطار رقم 26 وسيصل الساعة الواحدة ، هوة سمع كدة فعجبته الحكاية ، فضل يحط فى فلوس والمكنة تعيد يحط فى فلوس والمكنة تعيد ، لحد اخر مرة حط الفلوس ، راحت المكنة قالت له الاستاذ شلبى فضل يستهبل لحد ما القطر فاتة
================================================== =======

صرصار في وسط فريق نمل ، ليه؟؟؟؟؟؟؟؟؟؟؟؟؟؟ لاعب اجنبي
================================================== =======
مرة واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه
================================================== =======
خروف سأل خروف ليه عدى عليك عيدين ومادبحتش رد عليه وقال له اصل مكتوب فى شهادة الميلاد ــــ حمار ــــ
================================================== =======
مره اتنين مساطيل واحد بيسأل التاني شايف الكتابه الي علي الحيطه قاله شايف الكتابه بس فين الحيطه
================================================== =======
مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها
================================================== =======
مرة واحد غبي راح يخطب واحده، باباها قال له بس البنت لسة بتدرس، قال له خلاص اجلها في الفسحه
================================================== =======
مرة واحد محشش لقي كنز قال: كويس فاضل الخريطة!!
================================================== =======
مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك
================================================== =======
مره اتنين مجانين اتفقوا انهم يهربوا من المستشفى واحد قال للتانى لو لاقينا السور عالى هنهده لو لاقيناه واطى هنط من فوقيه التانى قاله ماشى راحوا مالاقوش سور خالص قالوا يخساره المهمه فشلت
================================================== =======
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
================================================== =======
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
================================================== =======
واحد راح يشتري عربية .لقى كل العربيات غالية عليه.بعدين لقى عربية قديمة و عليها تراب كتير بس سعرها مناسب.صاحب المحل قال له العربية دي فيها ميزة هايلة.بص كدة ..وقام مسح بإيده التراب اللي عليها قام طلع منها عفريت .قال له :شبيك لبيك تطلب إيه؟ قال له هات شاي للبيه حالاً..في لحظة كانت كباية الشاي قدام الراجل .قام اشترى العربية فوراً و ساقها و طلع بيها على حتة أرض فاضية و قام نزل و مسح التراب اللي علي العربية. قام طلع له العفريت. قاله عايزك تبني لي هنا قصر كبير فيه جنينة و حمام سباحة و ملعب تنس و..... قام العفريت قال حيلك حيلك إنت فهمت غلط .. أنا شاي و قهوة بس .
================================================== =======
واحد بلدياتنا راح يتمشى جابوه من على الحدود
================================================== =======
جماعة بلدياتنا عملوا أتوبيس بالعرض عشان يركبوا كلهم قدام
================================================== =======
مره واحد بلدياتنا ركب دماغه عمل حادثه
================================================== =======
مرة واحد بلدياتنا نزل في محطة الرمل رجلة غرزت
================================================== =======
واحد بلديتنا اتعزم على حفلة تنكرية بعت اخوه
================================================== =======
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
================================================== =======
واحد بلديتنا حدف لحبيبته وردة ماتت ليه؟ علشان نسي يشيل الوردة من الزهرية
================================================== =======
واحد بلديتنا عنده أرق ونفسه ينام..قاله صاحبه "عد من واحد إلي 500 وهتنام..فأخذ يعد لما وصل ل 109 فحس بالنعاس قام يغسل وشه علشان يعد ل 500
================================================== =======

مرة واحد مسئول بيفتتح حمام سباحة فالمدير بلديتنا قال له "ده المنط يا فندم 30متر، قوم نط يا حسنين" فنط حسنين"وده يا فندم منط 50 متر قوم ياعوضين نط" فنط عوضين "وده يا فندم منط 80 متر قوم يا محمدين نط" فنط محمدين فقال المسئول "هايل..هايل .." قام المدير قال "ولسه يا فندم لما نملى الحمام ميه
================================================== =======
واحد بلديتنا بيحلق دقنه التليفون رن عور نفسه علشان لما يرجع يعرف هو وقف لحد فين
================================================== =======
بلديتنا راحو يلعبو بلياردو، واحد منهم وقف فوق الطرابيزة وقال لهم انا الجوووون
================================================== =======
مره واحد بلديتنا بيقول لمراته اعملى حسابك هنتغدى بره جه من الشغل لقاها حطه الاكل فى الشارع
================================================== =======
صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين
================================================== =======
صعايدة بيكتبوا محاضرة مع الدكتور كل ما يمسح السبورة يقطعوا الورقة
================================================== =======
مرة واحد صيعيدي راح محل جتوه قال للراجل عنداك جتوة قاله ايوه قاله طب اديني قفصين
================================================== =======
واحد صعيدى قال لابوه انا عاوز موبايل ابوه قاله موافق بس بشرط تركب اخواتك معاك
================================================== =======
بلدياتنا مراته ولدت بنت الساعه 3 بعد نص الليل ...دبحها وجال ماعنديش بنات تيجى آخر الليل
================================================== =======
مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل
================================================== =======
مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته
================================================== =======

صعيدي سألوه ماهو السيفون؟؟ قال:صندوق بحبل لما تشده يا تلحق تشرب يا متلحقش
================================================== =======
واحد بلدياتنا اتعزم فى حفلة تنكرية قام غسل وشه
================================================== =======
واحد بلديتنا بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره
================================================== =======
مرة واحد بلديتنا خرج من محطة مصر لقا بتاع الانابيب بيخبط قلوة افتحلى وحدة بس تكون سقعة
================================================== =======
مرة واحد بلديات نام بالمقلوب صحى لقى رجلو معمصة
================================================== =======
اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم
================================================== =======
واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع
================================================== =======
واحد صعيدى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

مرسى على النكت بجد تحفة