ما قاله الشعراء عن المملكة العربية السعودية
افضل ما قاله الشعراء عن المملكة العربية السعودية ( 1 )
ارفع راسك انت سعودي : الأمير خالد الفيصل
ارفع راسك انت سعودي * طيبك جاوز كل حدودي
مالك مثيل(ن) بالدنيا * غيرك ينقص وأنت تزودي
فارس و أجدادك فوارس * و أصبحت لبيت الله حارس
مغروس بالمجد و غارس * في ميدان العز شهودي
علمك غانم وجارك سالم * يخشى من هيبتك الظالم
راعي صمله دايم والم * سيف و قلب وفعل زنودي
بالعالم ما مثلك مسلم * دايم بالفضيله محرم
الخايف بدارك منعم * وعن دخيل حماك تذودي
دايم سيفك بيدك سلّه * ما تغمد سيفك منذلّه
و حجاجك دايم منفلّه * وأنت بنصر الله موعودي
فهد القائد فهد الرائد … فهد الصقر الحر الصايد
و العيد بعون الله عايد * وسعودك ياوطني سعودي
****
أنا سعودي : الأمير خالد الفيصل
أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدنيا وأنا رافع الهام
وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي
