قصة حب ضائع الجزء الخامس

حب ضائع...الجزء الخامس.
.(قصة خيالية هادفة).
-الفقرة الأولي(سأعيش حياتي):


ولمّا قال عثمان الكلام ده في نفس اللحظة اتصلت بيه المراقبة وقالتله تعالي نتقابل في مكان...عثمان وافق وراح وبعد حوالي نصف ساعة وصل عثمان للمطعم اللي فيه هيتقابل مع المراقبة،ولما دخل المطعم شاف المراقبة وراح سلم عليها وقعد معاها وقالّها:نعم حضرتك عايزه ايه؟
راحت قالتله:أنا لقيت ليك مدرسة في مدينة تانية بعيدة شوية عن المدينة دي،و أنا قدمت ليك في المدرسة دي ووافقوا😁😁،وكمان أجرت ليك أوضة قريبة من المدرسة هناك،وأنا و مامتك انشاء الله هنبقي نبعت ليك فلوس شهريا عشانك وعشان الايجار..تمام😊😊؟
عثمان سكت شوية و بص ليها و سألها:حضرتك ليه بتعملي كده؟؟ وليه انت بتساعديني😐...ليه حضرتك بتكلفي نفسك عالفاضي وكل ده عشان واحد انت حتي مش عارفه عنده كام سنة،ليه انت بتعملي كده مع واحد زي أنا؟
رحت المراقبة بصّت ليه و ابتسمت وقالتله:عشان انت الوحيد اللي فكرتني بأيام لمّا أنا كنت مع جوزي وفكرتني بأسعد أيام حياتي وأنا دلوقتي برد ليك الجميل انك فكرتني بالأيام دي،وكمان أنا مش هسيب شخص زيك بالجمال و الذكاء ده يضيّع حياته في الألم اللي مش بينتهي،أنا عايزاك تعيش حياتك تاني من جديد وعايزك تبدأ صفحة جديدة في حياتك من غير أي ألم عاطفي أو داخلي، وأنا واثقة انك هتكون من أكتر الناس نجاحا في حياتهم،خليك ذي ما كنت قبل ما تشوف ليلي،خليك عثمان الذكي العقلاني اللي بيوازن الأمور مع بعضها،خليك الأفضل دايما😊،متنساش الكلام ده،وعلي فكرة أنا عارفه كويس جدا انت عندك كام سنة،انت عندك 18 سنة😁😁...
وبعد الكلام ده قامت المراقبة دي وكانت هتمشي،راح عثمان سألها:حضرتك اسمك ايه؟
راحت بصتله وقالتله:اسمي ليلي😁😃.
وبعديها مشيت المراقبة من المطعم،عثمان أول ما سمع اسمها افتكر بردو نفس الكلام اللي قالته ليلي في حلمه و افتكر كل ذكرياته معاها و كمان أفتكر أول يوم اتقابلوا فيه،وبعديها حط دماغه علي الترابيزه وفضل باصص للأرض والدموع نازله من عينه وهو ساكت ومبيعملش أي صوت،وبعد دقائق،راح قام وبسرعة مشي وروّح للبيت ولمّ هدومه كلها،و اتصل بالمراقبة و قاللها:امتي هسافر؟
قالتله:الأسبوع الجاي انشاء الله.
-الفقرة الثانية(الفراق القصير):


وبعد اسبوع...سافر عثمان للمدينة التانية مع المراقبة اللي ااسمها ليلي،وبعد حوالي ثلاث ساعات وصل عثمان و المراقبة ليلي للمدرسة اللي هيبقي فيها عثمان،وبعد ما راحوا المدرسة عشان يشوف عثمان المدرسة و عشان يعملوا بعض الحاجات اللازمة عشان الالتحاق بالمدرسة(*معلومة*المدرسة دي بنون فقط يعني مفيش فيها بنات..تمام يا كابتن😁؟)،راحوا للشقة اللي أجرتها المراقبة عشان يسكن فيها عثمان،وبعد ما شاف عثمان كل حاجة و حفظ الأماكن،جه وقت انّه يودّع المراقبة ليلي عشان هي هترجع تاني للمدينة اللي كان فيها عثمان عشان هي بتشتغل هناك و مينفعش تسيب الشغل بتاعها أو تنقله من مدينة لمدينة تانية،ولمّا جه يوّدعها قالّها:متخافيش...هبذل قصاري جهدي عشان أرجع ذي ما كنت،وأوعدك انّي هجتهد في الدراسة وأرجع الأفضل دايما...أوعدك😁😁،ومعلومة أنا عندي 19 سنة مش 18.
راح قالت المراقبة:هو ده اللي أنا عايزه أسمعه منك يا عثمان😁😁،أنا واثقه فيك وواثقة انك مش هتخيّب أملي أبدا وهتكون ألأفضل دايما.....مع السلامة😃😁.
عثمان:سلام😃😁.
وبعد حوالي شهر بدأت المدارس و الدراسة،وساعتها قرر عثمان انّه هيعمل أفضل ما بوسعه عشان يحقق اللي قالّه للمراقبة،و أول ما دخل عثمان المدرسة كان متواضع جدا،وفي يوم و أثناء انتحان قرر عثمان انّه يخلص آخر واحد تواضعا منه،ولمّا جه وقت التسليم،قرر عثمان انّه يسلم آخر واحد،ولمّا جه يسلم الورقة بعد ما خرج الكل،وكان ورق الامتحان بتاع الطلاب التانيين موجودة علي جنب،ساعتها قالّه المدرس: انت جاي تسلم دلوقتي؟؟😠 اطلع برا و خد ورقة الامتحان معاك...انت ساقط.
عثمان بص ليه وقالّه:ليه؟؟
راح قالّه المدرّس:عشان انت سلمت متأخر😡.
عثمان:يعني انت مش هتاخد ورقتي؟
المدرس:اه...مبروك انت سقطت 😈.
عثمان:طب...حضرتك عارف اسمي؟
المدرس:لأ
عثمان: كويس😏😏
راح حط عثمان ورقته بين الأوراق بتوع الطلاب التانيين و قال للمدرس: المشكلة فيكو انكم بتشوفوا المتواضع فاشل و ضعيف.
و بعديها مشي عثمان وهو بيبتسم بسخرية،المدرس من كتر الاستغراب و الحيرة اللي فيه قال:انت يا بني...انت اسمك ايه؟
راح قال عثمان:بشرت انك متسقطنيش و تديني حقي في الدرجات.
المدرس سكت شوية و قال لعثمان:موافق..اسمك ايه؟
راح عثمان قالّه:هتلاقيه في ورقة الامتحان العاشرة اللي موجودة جنبك...مع السلامة😏
وبعديها قرر عثمان انه مش هيبقي متواضع أبدا مع المدرسين أو أي حاجة متعلقة باللدراسةوفضل عثمان يبهر المدرسين و الطلاب اللي معاه،وكل يوم بيزيدوا ابهارا من عثمان،كان عثمان لما يدخل الامتحان،يخرج منه أول واحد،وكان المدرس كل ما يشوف اجابات الاسئلة بتاعت عثمان يلاقيها صح،ويتعجب و يستغرب أكتر و أكتر،المهم...عدت الأيام و جت امتحانات آخر السنة بتاعت تالته ثانوي،عثمان مهتمش بردوا بالموضوع ده عشان كده كده هو عارف انه هيبقي سهل جدا بالنسباله،المهم..عدت فترة الامتحانات و جت فترة النتيجة،عثمان كان قاعد في الشقة بتاعته وهو نايم ولا يهمّه النتيجة و لا اي حاجة من كده،وأثناء ما كان عثمان نايم،فيه حد رنّ عليه،عثمان صحي وراح يشوف مين اللي بيتصل،ولقي اللي بيتصل عليه هو مدرس من المدرسة بتاعت عثمان و بيقولّه ان عثمان بقي الأول علي المدرسة و تقريبا علي المحافظة أو البلد،عثمان كان فرحان لسبب واحد فقط مش عشان هو طلع الأول،عشان هو حقق الوعد اللي قالّه للمراقبة بتاعته،وفي نفس اليوم اتصلت المراقبة بعثمان وقالتله ألف مبروك عشان انّه طلع الأول علي الجمهورية كمان،وقالتله انها فخورة بيه عشان هو حقق الوعد اللي وعدها بيه،وبعد ما فضلت تهنية و تباركله عشان النجاح،قالت لعثمان انّه يرجع للمدينة القديمة بتاعته عشان يشوف المراقبة و عشان يشوف مامته بعد فراق سنة كاملة،وقرر عثمان انّه يسافر الاسبوع التاني،و بعد اسبوع...سافر عثمان و رجع للمدينة القديمة،وبعد حوالي ثلاث ساعات وصل عثمان للمدينة شاف مامته و المراقبة في الرصيف التاني من الشارع،ولّما شافهم جري عثمان ليهم و جريت مامته و المراقبة ليه،فسمع عثمان صوت عربية جايه،فجأة😨😨....يتبع
لمشاهدة الأجزاء المتبقية
https://www.story3alnet.com/