قصة حب انتقام الجزء الأول
قصة حب انتقام الجزء الأول
حب انتقام
-الفقرة الاولي (البداية):
كان في بنت اسمها ناريمان،البنت دي كانت طيبه اوي،ومحترمه جدا،و بتتحرج اوي،بس هي بجحه شوية،وكانت بتحب مامتها جدا;لان كان باباها مسافر،وهي لسه ف تانيه اعدادي، وداخلين عالترم التاني،وجالها خبر بان باباها راجع بعد اسبوع واحد، و ده بالنسبالها اسعد خبر فالدنيا،و بعدين يوم ما المفروض ان باباها جاي سمعت مامتها، بتكلمو و بتقولوا (لأبو ناريمان) انه اول ما ينزل من الطياره يتنكر أو ميظهرش وشّه;عشان محدش يعرفه نارو (ناريمان و ده هيكون دلعها طول القصه ) استغربت جدا من الكلام ده،يتنكر ليه؟.. وليه مامتها خايفه ان حد يعرفو؟... نارو قررت انها متقولش لمامتها انها سمعتها،وهتستني لما باباها ييجي و تسأله، ولما باباها وصل البلد، و وصل المطار،و أثناء مهو فالطريق اتضرب عليه نار فجأة والعربيه اتقلبت و عمل حادثة لانه فقد الوعي،و ذلك بسبب تأثير الرصاصه و طبعا نارو و اسماء ( اسم مامتها) لاحظو تاخيره ،و رّنو عليه كتير جدا و محدش ردّ عليهم،وفي الأخير حد اتصل،و قال ان ابوها عمل حادثه و هو فالعنايه المركزه،والحاله خطر راحو المستشفي و باتو هناك،والصبح حصلت الصدمة حيث قالولهم البقاء لله روحو ادارة المستشفي عشان تستلمو الجثه، و طبعا نارو انهارت من العياط،ودخلت ف غيبوبه و انهيار عصبي،و دخلت المستشفي و عدت الفتره الصعبه جدا دي هي و مامتها،و بعد كده دخلت نارو الثانويه،و كانت شاطره جدا و بما بقت في الثانوية نارو كانت حلوه اوي، بس هي بتلبس نضاره مع ان عنيها حلوه اوي،و في اول يوم حصل اللي مكنش متوقع، حيث قابلها حوالي ظ،ظ¢ ولد و كان من ضمنهم ظ¢ بنات بس،و تنمرو عليها و البنتين شدوها من شعرها و ضربوها و كسرولها نضارتها،و طبعا بسبب اللي هي مرت فيه جالها انهيار عصبي تاني، ف اغم عليها من الصدمه; بسبب الموقف ده،و العيال فكروها ماتت،و سابوها مرميه في الشارع اللي ورا المدرسه،و جريوا بعيد من المنطقة لانهم كانوا خايفين جدا،وفي الأخير كان فيه مدّرسه كانت رايحه المدرسه من نفس الشارع اللي العيال رموا فيها نارو و ذلك لحسن الحظ،و لقت المدّرسه نارو لابسه يونيفورم المدرسه و مضروبه و مغم عليها،و طبعا و بسرعة كلمت المدّرسه الاسعاف،و قدرت المدّرسه توصل لي مامتها (مامت نارو)،ولما فاقت نارو طبعا كان لازم يتعمل محضر شرطه،المشكله هنا بقي مش في اسماءهم لأ خالص،المشكله بقي في ان نارو مرضتش تعترف علي العيال رغم انها عارفه أشكالهم،وقالت انها مش فاكره شكلهم و ده طبعا كذب، حيث انها تقدر تعرفهم(العيال) وسط الف شخص،و لما خرجت نارو من المستشفي،و بعد اسبوع راحت نارو المدرسه و مكانتش خايفه انهم يضربوها تاني، انما كانت خايفه انهم لو ضربوها تاني يحصلهم مشكله،رغم انها كارهاهم جدا بس قالت بينها و بين نفسها ربنا يهديهم،وراحت نارو واتاخرت في الطريق بسبب الزحمه،و هي بتجري عشان متاخره علي الحصه الاولي و و ده اول يوم ليها، وهي بتجري و في نفس الوقت....يتبع
شكرا لكم...😘💘😊
www.story3alnet.com
https://www.story3alnet.com/
https://www.story3alnet.com/
