عرض للطباعة
السلام عليكم و رحمة اللة و بركاتة
الا قطتى حامل فى الاسبوع الثالث لا اعرف كيف اتعامل معها اريد ان اعلم ماذا اطعمها؟؟؟ وكيف اعرف انها حامل ؟؟؟ و كيف احافظ
على عدم موت الكيتنز فى بطنها؟؟؟ انا قرات موضوع العناية بلقطة الحامل و لم استفاد
اسفة على الاطالة
اهلا كاتى
ان شاء الله تقوم قطتك بالسلامة
بس انا مش فاهمة - انتى قلتى انها حامل فى الاسبوع التالت - وبعدين قلتى ازاى اعرف انها حامل
ههههههه هى حامل ولا مش حامل
على العموم شوفى ...
هى فى الاسبوع الثالث حتكون أماكن الرضاعة متورمة و لونها حيكون وردى
بس مش حيظهر على بطنها اى علامة من علامات الانتفاخ
كده ان شاء الله هى حامل - عليكى بقى يا كيتى تهتمى جدا بغذاءها
انه يكون صحى ومفيد ليها ويكون فى كاليسوم طبعا- ودة مش بس بشرب اللبن وبس
لكن كمان بالجبن المثلثات - والبيض المسلوق - والكيك البيتى بدون شيكولا او كاكاو
دة كده ممكن يكون الفطار - كل يوم تختارى وجبة من دول
والغذا بيكون وجبة فراخ او لحم مفروم بالبطاطس المهروسة - او سمك وابتعدى عن المعلبات زى السالمون والتونة
والعشا يكون حاجة خفيفة
طبعا هى بتكون شهيتها مفتوحة جدا الفترة دى - وانا شخصيا لما قطتى بتكون حامل - مش برفع الاكل من امامها.
اما حكاية تحافظى ازاى على عدم موت الكيتن فى بطنها - دى بقى سبحان الله هى اللى حتحافظ على نفسها بالفطرة
انتى بس اللى عليكى ما تخليها تتنطط كتير الفطرة دى - لانها بتكون متوترة جدا وحتلاقيها بتتنطط كتير
وانا فى الحالة دى لما بشوفها على مكان مرتفع وناوية تنزل - بشيلها انزلها بنفسى وبحاول اهديها دايما
وبكون معاها اغلب الوقت إما حاملاها او قاعدة جنبها
يارب كده تكونى استفدتى وقدرت اجاوب على اسئلتك
شكرا كتير استفدت
معلش سؤال انتى عندك قطة سيامى؟؟انا عندى قط سيامى اريد ان ازوجه
ايوة يا قمر عندى قطة سيامى
بس للاسف مش ينفعش ازوجها دلوقت لانها لسة والدة من شهرين
وهى بصراحة صحتها على قدها - يعنى مش حينفع تتجوز تانى دلوقت
ان شاء الله حشوفلك حد من اصحابى - ونقدر نفيدك يا قمر
حببتى انتى عندك ايميل