شحن تكييف السيارة وشحن بصمام الضغط الواطى الفريون 134A
طريقة شحن مكيف السيارة خطوة بخطوة للمبتدئين.. ناجحة 100%
https://www.youtube.com/watch?v=DeYZIdYUltU
https://www.youtube.com/watch?v=_VHYL6sDJLI
الحكاية بتبدأ من انك اولا لازم تحدد نوع الفريون اللي موجود في التكييف...وبعد بحث لقيت انك عندك نوعين غالبا همه اللي مستعملين فالعربيات...
اولهم واقدمهم فريون 12 وبيرمزوا له بحرف R-12 وده اقدم واقوى بنسبة بسيطة في تبريده ويعيبه اضراره بالبيئة ولذا تم ايقافه في اوروبا وامريكا وعملوا له بديل من ممزوج عدة غازات مضغوطة... ويعيبه ايضا انه له قابلية للاشتعال...مما يجعله غير مناسب للسيارات....ولكن وقتها مكنش فيه بديل فكان هو السائد من زمان وحتى في معظم التلاجات المنزلية ومعظم السيارات قبل 2000 بس ده ميمنعش ان فيه انظمة في موديلات التسعينات فيها 134
تانيهم فريون 134 وده بيرمزوا له ب R134 وده هو اللي موجود حاليا في كل الموديلات الحديثة وده طبعا العكس...غير ضار وغير مشتعل
وطبعا مينفعش اطلاقا انك تخلط 134 و12 بأي شكل ولكن يمكن تحويل انظمة فريون 12 ل 134 بطرق لا يتسع المكان لشرحها
طيب...حلو الكلام...نيجي للمهم نعرفه ازاي....لو تكييفك مكنش اتلعب فيه...يبقى عندنا بعض الوسايل...اولا لو انت موديل مابعد 2000 يبقى غالبا 134...بس برضه لازم تتأكد...وده عن طريق انك تحاول تبص على الكومبريسور بتاع المكيف وهتلاقي طبعا ورقة الشركة المصنعه وهتدور علي Refrigerant Type وهتلاقي مكتوب زي ما قلنا...
https://www.rise.company/forum/image.../2021/04/9.jpg
فيه طريقة تانية بس مش متأكد منها زي الورقة...هي انك تبص على بلوف الشحن هتلاقى بتاع فريون 12 اتخن من بلف العجل حاجة بسيطة وبيكون رفيع ومقلوظ من بره ال 134 بلفه اعرض بشويتين من بلف العجل وغالبا مش متاكد متقلوظ من جوة...حلو الكلام؟؟؟ واللي فالصور
هنا بلف12
https://www.rise.company/forum/image...2021/04/10.jpg
ودي رسمة ال 134 وهي قريبة جدا من الحقيقة
https://www.rise.company/forum/image...2021/04/11.jpg
من كتالوج الصيانة ومن البحث على النت عرفت ان الضغط المثالي بيبقى 27psi وده لمعظم العربيات.... والشحن بيتم من ناحية الضغط المنخفض....ايه الضغط المنخفض دي؟؟ شوف ياسيدي انت عندك ماسورتين فريون داخلين من حوض الموتور في صدر العربية...هتحط ايدك عليهم والمكيف شغال هتلاقي واحدة فيهم ساقعة شويتين وعليها بلف الشحن...ممكن طريقة تانية وهي اني شفت في الكورولا غطا البلف البلاستيك مكتوب عليه H و L طبعا High وLow...اللي يهمنا ال Low بس برضه نتأكد بحكاية حرارتها....ودي بتكون الماسورة اللي جايبة الفريون من التلاجة جوة الصالون للكومبريسور عشان يضغطه للسربنتينة اللي قدام في صدر العربية ويتبرد فيها بالمروحة وبكده يكون دخلنا في مرحلة الضغط المرتفع
https://www.rise.company/forum/image...2021/04/12.jpg
وعلى فكرة انا عندي التكييف فابريكة (شفتو التضحية) بس ما عدا ان غطيان البلوف ضايعة
طيب اعتقد كده النظري انتهى نبدأ في العملي..وانبه ان فريوني 12
.بس قبل اي حاجة حابب احذر من ان الفريون سائل تبريد يعني اي تسريب قوي ييجي عالجلد ممكن يعمل لسعة برد ودي اشد من لسعة النار فنخلي بالنا...ونخلي بالنا برضه انه بيهيج العين جامد والنصيحة خلينا في مكان مفتوح قدر الامكان عشان لو لا قدر الله حصل تسريب نبقى في السليم
نعاين العدة
أول حاجة علبة الفريون...ودي زي ماقلنا قبل كده حسب نظام العربية 12 او 134 وحاليا ال 12 اغلبه صيني او مصري واللي اتقال لي ان المصري احسن... جبت نوع اسمه اخوان رزق وده ب 22 جنيه ووزنها في حدود 400 جرام... مع العلم ان السويفت لو فاضية تماما بتاخد حوالي نص كيلو...
https://www.rise.company/forum/image...2021/04/13.jpg
الفريون 134 على حد علمي احسن حاجة الامريكي والمكسيكي
علبة الفريون زي ماحنا شايفين ملهاش بخاخة ولها صمام عبارة عن خرم فيه حتة بلاستيك سدة فتحة العلبة عن طريق سوستة بتزقها لبره ومتقلوظ من بره وهنعرف حالا ليه
https://www.rise.company/forum/image...2021/04/14.jpg
وبالتالي عشان نطلع الفريون لازم نضغط عالبلاستكة دي ودي وظيفة ابرة او بلف الشحن ب2 جنيه هم الاتنين مع بعض
https://www.rise.company/forum/image...2021/04/15.jpg
وده زي ماحنا شايفينه عبارة عن مسمار وصامولة...الصامولة دي بنربطها جامد في القلاووظ بتاع صمام علبة الفريون ولو ربطناها للأخر هنلاقي ان قلاووظ الصمام جاب نص الصامولة من جوة ونصه فاضي...
https://www.rise.company/forum/image...2021/04/16.jpg
ولو شفنا الجزء اللي عامل زي المسمار ده عبارة عن مسمار مجوف فيه في طرفه ابره (اللي عاليمين دي)والابرة فيها خرم منفد على التجويف اللي جوه المسمار ...وبالتالي احنا لو ربطنا المسمار فالصامولة بحيث ان الابرة لناحية جوه هنلاقي ان كل اما المسمار يتلف سنة هيدخل لجوة والابرة تضغط على البلاستكة وتفتح علبة الفريون والفريون يعدي من خلال الابرة لبره...والعكس صحيح اما تفك المسمار الابرة تطلع لبرة والصمام يقفل...وهكذا
https://www.rise.company/forum/image...2021/04/17.jpg
عندنا بعد كده مجموعة الخراطيم اللي هتوصل لنا الهلمة دي ببعضها وده الواحد عامل له 7 جنيه
وده شكل الخرطوم
https://www.rise.company/forum/image...2021/04/18.jpg
وزي ماحنا شايفين ده عبارة عن خرطوم كاوتش له صامولتين بيتربط بيهم في البلوف مع مراعاة ان الناحيتين مش زي بعض
وده احد الاطراف
https://www.rise.company/forum/image...2021/04/19.jpg
وده الطرف التاني
https://www.rise.company/forum/image...2021/04/20.jpg
وده عامل زي الطرف الأولاني بالظبط بس فيه فرق يتمثل في وجود إبرة في منتصف فتحة الخرطوم ودي ليه؟؟؟ لأنه الطرف ده اللي بيتربط في العربية والابرة دي اما بتربط الصامولة في بلف العربية بتضغط على الابرة اللي في بلف العربية وتفتحه...تمام زي ابرة بلف كاوتش العربية.......تمام؟؟
وممكن بالحاجة دي نعمل عملية الشحن وانا شحنت بكده.. بس عاوزه حرص شديد جدا... واحتمال كبير انك لو مش واخد بالك تطير النفسين اللي موجودين في التكييف وتبقى خربت....فمعلش الاضمن اننا نصرف حاجة بسيطة كمان 30 جنيه!!!..بتوع ايه دول....هنجيب بدل الخرطوم اتنين... ونجيب عداد شحن ب 23 جنيه ونشحن كمحترفين
تبقى كده اتكلفت كام 22 فريون + 2 بلف + 14 خراطيم +23 عداد = 61 جنيه والعده تفضل عندك تستعملها انت واصحابك ولو ممكن بكرة تفلون (من عند بتوع الادوات الصحية ولوازم السباكة) بجوز جنيهات عشان لو حاجة سربت...ماهو كله صيني
طيب ايه العداد ده بيشتغل ازاي؟؟
https://www.rise.company/forum/image...2021/04/21.jpg
زي ماحنا شايفينه هو عبارة عن محبس ملحق بيه عداد وله مدخلين واحد من الجنب وواحد من تحت (المتغطيين بالغطيان الزرق) وهو بيتركب فالنص بين علبة الفريون والعربية ولازم يكون احد اطرافه متوصل بالخرطوم ناحية العربية والطرف التاني متوصل بالخرطوم اللي راكب في علبة الفريون...طيب نعرفه ازاي؟؟
حاجة سهله خالص...احنا هنقفل المحبس كويس...ونحط حته قماش نضيفة عالفتحة عشان الرطوبة وننفخ جامد فالفتحة وعنينا عالعداد وهنا انا نفخت في الفتحة التحتانية لقيته بيتحرك حاجة بسيطة...(متفكروهاش كتير انا بالعافية جبت 5)...وغالبا معظم العدادات بيكون هو اللي تحت...
وفيه نوعيات تانيه....منها نوع عداد مجوز...فيها عدادين وله 3 خراطيم (طقم كامل) بييجي ب 55 جنيه كله على بعضه وده نفس الطريقة بالمللي وبنستعمل غالبا فردة واحدة والمفروض نوصل التانية في جهة الضغط العالي من دورة الفريون..واللي عاوزني اشرحه له بعدين
https://www.rise.company/forum/image...2021/04/22.jpg
ودي صورة مجمعة للعدة كلها وطبعا نضيف عليها مفاتيح مناسبة 10 او 12 على حسب حجم الصواميل لزوم الربط
https://www.rise.company/forum/image...2021/04/23.jpg
===هنعوز برضه لوفة وشوية صابون سائل وكمان جركنين مليانين ميه ويفضل لو خرطوم ميه مش مفتوح قوي
الكلام المفيد
دلوقت احنا اتعرفنا عالعدة...ننزل للعربية ونبدأ الشغل
نبتدي بتجميع عناصر الشحن
نوصل الخرطوم اللي هيركب العربية في الفتحة التحتانية للعداد ونلاحظ الابرة تكون في الناحية اللي هتتربط فالعربية ...زي الصورة كده
https://www.rise.company/forum/image...2021/04/24.jpg
بعد كدة نركب الخرطوم اللي هيبقى ناحية العلبة
https://www.rise.company/forum/image...2021/04/25.jpg
وقبل ما تسألوا الوان الخراطيم دي مش فارقة في حاجة...بس الاستاندارد...ان يبقى الخرطوم اللي ناحية العربية ازرق واللي فعلبة الفريون اصفر(ده اللي عاوز زي ما الكتاب بيقول... بس زي ما قلت كله نفس الشغل)
بعد كده نركب الطرف التاني للخرطوم بتاع الفريون في مسمار البلف بتاع علبة الفريون(المسماراللي فيه الابرة...وهو مش متركب في علبة الفريون)
https://www.rise.company/forum/image...2021/04/26.jpg
أنا هنا فالصورة لافف عليه تفلون عشان سرب معايا (انها الصين يا ولدي)
ونركز جدا فاللي جاي
دلوقتي أول حاجة نقفل المحبس كويس و نربط بسرعة جدا الخرطوم اللي بيحرك العداد (الاصفر في الصورة السابقة).. في بلف العربية ابو ضغط منخفض(اللي عالماسورة الساقعة) ليه بسرعة؟؟عشان انت اول ما هتحط الخرطوم الابرة بتاعه هتضغط عالبلف بتاع التكييف تفتحه...فلازم السرعة منعا للفقد الفريون
.وعلى طول هنلاقي العداد طلع قراءة...المفروض انها حسب عربيتي لو التكييف مشحون مظبوط متزيدش عن 27psi...
بعد كده بسرعة جدا نفتح المحبس حبه صغيره جدا لمدة 3 ثواني نسمع صوت هسسسسسسسس عشان نخرج شوية فريون من الدورة فالخراطيم والحركة دي عشان نطرد الهوا من الخراطيم ونقفل المحبس كويس
ندور العربية ونشغل التكييف على اقصى سرعة للمروحة ونفتح شباك عشان مش عاوزينه يفصل..
نجيب علبة الفريون ونخللي بالنا جدا انها لازم تكون عدلة في وضع رأسي طوال عملية الشحن (الصمام لفوق) ونحاول منرجهاش
وبعد كده احنا كنا رابطين الخرطوم التاني(الأحمر) في مسمار البلف ومجهزينه...بعد كده نمسك علبة الفريون بالشمال ومسمار البلف باليمين (او العكس) وندخلهم في بعض ...ونثبت المسمار..ونلف العلبة واحدة واحدة لحد ما هنحس انها فتحت وده عادة من قبل نص مشوار المسمار فالصامولة اللي عالعلبة...اوك؟؟
https://www.rise.company/forum/image...2021/04/27.jpg
يبقى كده الفريون بتاع العربية دخل وفريون العلبه دخل واللي حايشهم عن بعض المحبس...ونأكد تاني نخللي العلبة في وضع رأسي....نحضر الجركن بتاع المية....ونكب شوية ميه على سربنتينة التكيييف اللي جنب الردياتير بس نحاول قدر الامكان نبعد عن موتور المروحة..
واحدة واحدة نبدأ نفتح المحبس بتاع العداد...وكده الفريون هيعدي من العلبه للدورة ونعرف كده اننا هنلاقي علبة الفريون تسقع...وكل شوية نفتح ونقفل عشان ناخد قراية العداد والمحبس مقفول...وفي هذه الاثناء حد معاك يكب ميه عالسربنتينة بتاع التكييف...وهكذا لحد ما نلاقي القراية وصلت ل 27 عندها لو بصينا فالعدسة بتاع العربية هنلاقيها غالبا رايقة ومفيش فيها اي فقاقيع نكب شوية ميه كمان عالسربنتينة ونسيبه شغال 5 دقايق وبعدين نطفي التكييف ونبطل العربية ومبروك ياباشا
خلاص شحنا التكييف وقفلنا المحبس وظبطنا القراية...نيجي لحتة مهمة ازاي نفك المسائل...
حكاية الفك دي كل خطواتها لازم تتم بسرعة البرق ولازم منتخضش لو حصل تسريب عشان نلحق نتصرف
يعني اما نفك صامولة نفكها بسرعة جدا...اول مانبدأ باننا نفك بسرعة المسمار ابو ابرة اللي في علبة الفريون...بعد كده هنفك الصامولة اللي مربوطة في بلف العربية ودي بسرعة جدا...ولو سمعنا تسريب بعد ما شلنا الخرطوم نضغط عليها ببوز الخرطوم كأننا هنركبه عشان ساعات السن بتاع بلف العربية مببيكونش معدول...وبعدين نجيب اللوفة ام صابون ونرغي عليه من غير ما نضغط عشان نتأكد ان مفيش تسريب...لو مفيش تسريب يبقى ركب غطيان البلف ولم العدة واطلع نامطيب لو فرض وواحد العملية شطحت منه وزود شحن...نعمل ايه؟؟؟ فك علبة الفريون بس...وسيب العداد بالخرطوم متوصل وافتح المحبس سنة صغيرة لحد ما تلاقي القراية ظبطت معاك
