عصبي فتح منتدى جديد شوفوا شروطهـ ..

صبـــــــــاح الخير .. او .. مســـــــــاء الخير ..


عصبي فتح منتدى جديد شوفوا شروطهـ ..


لقد تغيرت شروط التسجيل في المنتدى ..

وتم تغيير مسمى المنتدى لتواكب مرحلة ما بعد الحرب الباردة ..

اعرفوا الشروط زين .. وافهموها ..

و اللي ما يبي هالشروط جعل اصابعهـ اللي طقت على الكيبورد الكسر ..
و لو ما عليهـ كلافهـ يطق راسه باقرب جدار .. حنا ما نلعب ..
و اللي يبينا حياه الله بيننا .. فهمتوا ..

بما ان هذا الموقع موقعي بروحي لابارك الله فيكمـ و في الساعة اللي فتحت لكمـ هالموقع ..

فـ اللي يبي يسجل معنا يوافق على الشروط من ورى خشمهـ ..

و الشروط هي ..


1- اللي يسب اي واحد من الاعضاء بنجيهـ و بنربط حواجبهـ في صدامات الهايلكوس
و بنروح و نطعس فيه باقرب طعس ..
قايلكم حنا ما نلعب ..

2- اللي بيخربط بالدين ولا بالسياسهـ .. هذا عذابهـ عذاب .. بخليه يتخيل انه قرد ولا عمرهـ ذاق موز ..
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
و برضخ بهـ على خوص نخلهـ .. علشان ما يعود لها ..
قايلكم حنا ما نلعب ..

3- انتم اعضاء لكم تكتبون بس .. و لااحد فيكم يسوي لي فيه مراقب مانبي مراقبين ..
فهمتوا ولا افهمكمـ ..

4- مسموح كلمة وجع عمى بلا للرد والتعقيب .. فهمتوا .. صح ولا ماهو صح ..
قولوا صح لابارك الله بالساعهـ اللي جمعت هالخشش فيها ..
و اللي بيزعل بنخربط وجههـ و نخليهـ يطالع في المرايهـ و يطلع الاخطاء التسعهـ عشر .. ايه تسعطعش ..
ساحتنا وحنا حرين فيها ..

5- اللي بيسجل باسماء قبايل وعوايل .. و لا مخلهـ بالادب .. هذا بنوديهـ لا اقرب حكيمـ و بنكويهـ ..
و بعدين بناخذهـ لأقرب جليب .. و بنغطسهـ و بنطلعهـ .. و نغطسهـ و نطلعهـ الين مايقل ..
ان الددسن سيارهـ .. قايلكم ما نلعب .
.
6- قريتوا الشروط .. هاهـ عجبتكمـ .. فهمتوها ... طيب ما عندنا تسجيل هالايامـ ..
و اللي يبي يسجل معنا يرسل لي ايميل على التلفون حقي اللي ماني ذاكره لكمـ .. لان الدعوهـ عناد ..
و اللي براسهـ حب ما انطحن .. تراي ابطحنهـ لهـ .. و اذا فيهـ خير يقابلني وين ما يبي ..

ملاحظهـ ..

اللي بنكتشف انهـ رجال مشورب و يكتب باسماء بنات .. و لا بنات تكتب باسماء رجاليهـ هذولي بنخلي
خششهمـ كلمات متقاطعهـ يصعب حلها ..و الله ما يضرب بعصا يا سرع طيحتهمـ ..

موافق ..
غير موافق ..

و اللي فيهـ خير يكتب غير موافق ..