تحويل whmcs إلى utf بكل سلاسة

السلام عليكم إخواني

حقيقة حبيت أشارككم بشوية معلومات طلعتها بعد بحث كثييير وتجارب كثيرة
لي تقريباً 6 شهور وأنا أحاول أحول القاعدة والموقع كامل إلى UTF علشان محركات البحث وعلشان سهولة إستخدام السكربت أيضاً بالمستقبل وعلشان برنامج الآيفون الخاص بالسكربت مايدعم إلا UTF


محاولات كثيييييييرة يطلع لي فيها الكلام ملخبط
لكن بإختصار

المتطلبات علشان تسوي هالموضوع بكل سلاسة وسهولة
1- كمبيوتر وندوز معالجين أو أكثر عالأقل مع 2 قيقا رام أو أكثر (كل ماكان أكبر كل ماكان أفضل)
2- صلاحيات روت على سيرفرك
3- ملف php راح أحطه لكم بالمرفقات, الملف حصلت عليه من موضوع بمنتدى WHMCS للأمانة ووظيفته بسيطة جداً في هذا الحل ولا أعلم أهميتها من عدمه لكن خلونا نشوف.
4- برنامج notepad++ حق الوندوز


راح أضع التعليمات بكل إختصار وإن شاء الله إنكم تفهمونها عالطاير واللي عجز عن شي انا حاضر بالشرح أو الإخوان يساعدونه إن شاء الله

الحل بإختصار :


1- وقف موقعك من إعدادات ال WHMCS
2- إسحب نسخة من قاعدة بياناتك وحطها بجهاز الوندوز

كود:

mysqldump --default-character-set=latin1 --opt db_name > db_name.sql

3- إفتح الملف بإستخدام Notepad++
4- قم بتحديد الكل (CTRL+A)
5- قم بقص التحديد (CTRL+X)
6- من القائمة بالأعلى إذهب إلى Encoding
7- إختر Encode in UTF-8 without bom
8- قم بلصق ما قمت بنسخه قبل قليل (CTRL+V)
9- قم بحفظ الملف
10- إرفع الملف لسيرفرك من جديد
11- إزرع الملف بقاعدة بياناتك بالشل

كود:

mysql db_name < db_name.sql

12- إحذف الإندكس لجدول tblknowledgebase من قاعدة بياناتك

كود:

mysql db_name alter table tblknowledgebase drop index `title`; exit

13- قم بتحميل الملف اللي بالمرفقات لسيرفرك بعد تغيير الكود التالي فيه

كود PHP:

$username = 'USERNAME';
$password = 'PASSWORD';
$database = 'whmcs';

14- شغل الملف اللي رفعته بالأمر التالي

كود:

php convertutf.php > php.output.sql

راح يحفظ لك ملف جديد إسمه php.output.sql

الملف هذا يحتاج معالجة شوي, تحتاج تفتحه وتبحث عن كلمة NOT NULL DEFAULT NULL
وتبدلها إلى NOT NULL

بدل كل النتايج اللي تحصلها

وأيضاً إبحث عن
NULL DEFAULT NULL
وبدلها ب
NULL



15- قم بإستعادة هذا الملف أيضاً بقاعدة بياناتك

كود:

mysql db_name < php.output.sql

16- رجع الإندكس حق جدول tblknowledgebase

كود:

mysql db_name alter table tblknowledgebase add FULLTEXT KEY `title` (`title`,`article`); exit

17- الحين روح لموقعك , وإذهب ل Setup ثم general Settings ثم Localisation
18- غير الترميز ل UTF-8



الآن أنت خلصت تحويل ترميز قاعدة بياناتك ل UTF-8
وأيضاً إعتمدت الترميز الجديد على كافة أنحاء موقعك



باقي عليك شوية خطوات ومنها إنك تركب تعريب جديد ترميزه UTF-8
هذا رابط واحد انا استخدمه وكنت ماخذه من hostpress : http://hardlayers.com/lang/ar.txt

والشي الثاني
تزور كافة أنحاء موقعك وتشوف إذا فيها أخطاء بالتصميم, أحيانا تكون ملفات التصميم tpl ترميزها مش UTF
ف تحتاج تنزلها على جهازك وتحولها UTF بإستخدام notepad++

طبعاً نفس الطريقة اللي حولنا فيها القاعدة اللي هي تفتح الملف, وتحدد الكل , وتعمل قص, بعدين تعدل الإنكودنق ,, بعدين تسوي لصق وحفظ للملف وترفعه من جديد



العملية ملخبطة صحيح, لكن هذي هي الخطوات كاملة والآن موقعي يدعم الـ UTF بطلاقة

منقول للاهميه https://www.rise.company/forum/image.../bye1gif-1.jpg