ادخل وقولي أنت في برج ايه ...... ؟؟؟
السلام عليكم
طبعا من عنوان الموضوع
انت دخلت عشان تقولي انت في برج ايه ...
وانتي كمان دخلتي عشان تقوليلي انتي في برج ايه ...
صح ؟
طيب ... بالله عليكم
ايه هي فايدة الابراج دي ؟؟
مش انت بتؤمن بعلم الغيب؟؟ ... ولا يعلم الغيب غير الله ؟؟
طيب انتم ماتعرفوش ان الابراج دي حرام
ايوة والله العظيم حرااااااااام .....
كل الكلام اللي فيها كلام تنبؤ بعلم الغيب
وماحدش في الكون ده كله يعلم الغيب غير ربنا جل جلاله
" أَلَمْ تَعْلَمْ أَنَّ اللَّهَ يَعْلَمُ مَا فِي السَّمَاءِ وَالْأَرْضِ إِنَّ ذَلِكَ فِي كِتَابٍ إِنَّ ذَلِكَ عَلَى اللَّهِ يَسِيرٌ"
[الحج:70]
"إِنَّ اللَّهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ"
[لقمان:34]
طيب تعرفوا كمان ... ان لمجرد قراءة الابراج دي ... لا تقبل منك صلاة اربعين يوم
ايوة .. يعني حضرتَك لو قريت او حضرتِك قريتي الابراج دي ربنا مش هيقبل منك صلاة 40 يوم
انت متخيل ازاي ... وانتي متخيلة ازاي ؟؟؟؟
وانا مش بجيب كلام من عندي ... ولا كلام الشيخ فلان الفلاني ..
لأ ... ده كلام حبيبنا سيدنا محمد صلى الله عليه وسلم
روى مسلم في صحيحه أن النبي صلى الله عليه وسلم قال :
( من أتى عرافاً فسأله عن شيء لم تقبل له صلاة أربعين يوماً )
وعن أبي هريرة رضي الله عنه ،عن النبي قال :
( من أتى كاهناً فصدقه بما يقول فقد كفر بما أنزل على محمد صلى الله عليه وسلم )
رواه أبو داود وخرّجه أهل السنن الأربع.
وعن عمران بن حصين رضي الله عنه قال: قال رسول الله صلى الله عليه وسلم :
( ليس منا من تطير أو تطير له، أو تكهن أو تكهن له، أو سحر أو سحر له، ومن أتى كاهناً قصدقه بما يقول فقد كفر بما أنزل على محمد )
رواه البزار بإسناد جيد.
اخواني واخواتي في الله .... والله انا بحبكم في الله
ولو ماكنتش بحبكم ماكنتش قلت الكلام ده وماكنتش اخاف على مصلحتكم
انا عايزة كل الناس تعرف ان الابراج دي كلها حرااااااااااااام ومالهاش اي فايدة في حياتها بل بالعكس دي بضرنا وممكن تكون هي سبب دخولنا النار والعياذ بالله ... اللهم ارزقنا الجنة يارب العالمين .
يارب يكون كلامي مش تقيل عليكم ... ويارب تتقبلوه ... وتعملوا به
انا ماحبتش اتوسع في الموضوع واتكلم فيه كتير ...انا قلت اجيب بس المفيد مش اكتر
وياريت لو حد فيكم يعرف اي حديث او اي ايه قرآنية عن تحريم الابراج زيادة على اللي موجود مايبخلش علينا ويقولنا عليها ويبقى جزاه الله كل خير
وجزاكم الله خيرا على حسن متابعتكم
لكم مني خالص ودي واحترامي
والسلام عليكم ورحمة الله وبركته
رد: ادخل وقولي أنت في برج ايه ...... ؟؟؟
رد: ادخل وقولي أنت في برج ايه ...... ؟؟؟
رد: ادخل وقولي أنت في برج ايه ...... ؟؟؟
اقتباس:
المشاركة الأصلية كتبت بواسطة sahl
جزاكى الله خيراااااااااا
جزانا واياك خير الجزاء
بوركت اخي لمرورك الطيب
اقتباس:
المشاركة الأصلية كتبت بواسطة Death Note
شكرا اخي لمرورك الطيب
