لا صديق و لا زوج و لا أخ و لا أب ولا جار يسأل؟

مفيش حد بيسأل على حد


الصورة دي لست فضلت ميته في بيتها 3 سنين
من كام اسبوع سمعنا خبر عن سيده انجليزيه جوزها بيشتغل في استراليا ماتت في بيتها و ظلت لمدة 3 أيام هكذا بينما ابنها اللي عنده 3 سنين فضل يبكي و يئن و يطلب منها انها تصحي ,
بينما نسمع خبر عن سيدة مصرية من ميت غمر جوزها بيشتغل في السعودية ماتت في بيتها , 3 أيام كاملة لدرجة ان رضيعتها اللي عندها 4 شهور ماتت من الجوع جنبها و بنتها اللي عندها 3 سنين لقوها مغمى عليها من الجفاف الشديد .. الحكايتين نسخة طبق الاصل من بعض حتى التفاصيل مفروض القريب اللي يتصل مرة و اتنين و تلاته - فقام ايه بقا - قلق !! ايه اللي حصل علشان نوصل لكده؟

https://www.rise.company/forum/clear.gif
امتا بالضبط في طريقنا كبشر و في رحلتنا فقدنا ذواتنا بالشكل ده؟؟ 3 أيام كاملة لا صديق و لا زوج و لا أخ و لا أب لا جار يسأل؟3 أيام بحالهم يا كوكب بائس ؟
حياتنا بقت بوست فيس و واتساب و فايبر و اتصالات, معدش حد بيسأل عن حد, كل واحد بقا في حالة زي الزومبي فاقد للوعي, زوج زي زومبي في السعودية و زومبي زيه في استراليا, هدفه جمع المال, بيركز فقط على شغله و إلهه هوا مديره, قال و خايفين من الروبوتات لا ييجي يوم تسيطر علينا !!