لاكتوفيرين و الكورونا

[assem foad]

كلنا سمعنا عن اعلانات بتقول ان المنتج كذا او كذا بيحتوا علي لاكتوفيرين وده بيستخدم في علاج الكورونا النهاردة جايين نتعرف علي ايه هو اللاكتوفيرين وايه استخدامه ؟ وازاي ممكن يساعد في العلاج او الوقاية من الكورونا ؟

اول حاجه ايه هو اللاكتوفيرين ؟
ده عبارة عن بروتين من ضمن بروتينات تانيه كتير موجودة في اللبن ، موجود بنسبة عالية تقريبا 7 اضعاف النسبة الطبيعية وده بيكون في لبن الأم بعد الولادة مباشرة واللي بنقول عليه لبن السرسوب
ايه دور اللاكتوفيرين في الجسم ؟
اللاكتوفيرين بيشارك بنسبة كبيرة في خط الدفاع المناعي الأول في الجسم لانه بيدخل في تكوين الخلايا المناعية زي خلايا الدم البيضاء المعروفة ب neutrophils وده اللي بيخلي اللاكتوفيرين مهم جدا في مهاجمة البكتيريا و الفيروسات اللي ممكن تصييب الجسم
مش كده وبس لا كمان اللاكتوفيرين اكتشفوا انه ممكن يرتبط بمستقبلات معينة علي خلايا بعض الميكروبات ويوقف انتشارها في الجسم
كمان اللاكتوفيرين بيرتبط بالحديد لانه من عائلة البروتينات اللي بتسمي transferrin ، فبيقدر يرتبط بالحديد بنسبة كبيرة وبالتالي بيوصل الحديد لخلايا الجسم ويساعد في علاج الأنيميا
اللاكتوفيرين له استخدامات كتير جدا منها علاج الأنيميا ونقص الحديد ، رفع كفاءة الجهاز المناعي وده الدور المهم اللي بيقوم بيه في الوقاية من فيروس كورونا ، كمان له دور مهم في علاج الالتهابات في الجهاز الهضمي
لاكتوفيرين موجود في الصيدليات بأسماء كتير ممكن تسأل اقرب صيدلية ليك والتركيزات بتتراوح من 100 - 200 مجم (مش هنقول اسماء لان ده مش اعلان لدواء معين)
ده البحث اللي تنشر عن دور لاكتوفرين في الوقاية من كورونا وكعلاج مساعد لو حد حابب يطلع عليه

Author links open overlay panelLactoferrin as potential preventative and adjunct treatment for COVID-19 Raymond Chang Bun NgbWei ZenSun