التوسع الرأسى / العمودي Vertical و التوسع الأفقى horizontal للشركات

[Rise Company]

التوسع الرأسى / العمودي و التوسع الأفقى للشركات
التوسع الرأسى / العمودي Vertical و التوسع الأفقى horizontal للشركات
التوسع الرأسي Vertical Integration والتوسع الأفقي horizontal integration
التوسع الأفقي و الرأسي للمبيعات



لتوسع مرحلة لازم صاحب أى مشروع يوصلها عشان ينتقل بنشاطه من مرحلة الثبات لمرحلة الربح والنمو؛ لكن المرحلة دى بالرغم من أهميتها وعوائدها المادية والاعتبارية الكبيرة، إلا إنها ممكن تكون السبب فى تدمير الشركة وإنتهاء نشاطها لو متمتش بخطوات محسوبة؛ عشان كده هنحاول سوا نعرف ايه المقصود بالتوسع فى النشاطات التجارية وأيه هى أنواعه بالإضافة لعرض نماذج تطبيقية مختلفة عشان نساعدك تفهم أكتر وتستوعب جوانب الموضوع بالتفصيل.


التوسع في الأنشطة التجارية


المقصود بالتوسع في الأنشطة التجارية هو المرحلة التى بتوصل فيها المؤسسة للنقطة اللى بتتلائم فيها قوتها الاستيعابية ومواردها مع حجم المتطلبات السوقية المتاحة أو الجديد. يعنى مثلا ممكن نشاط تجاري يتوسع بزيادة عدد فروعه لنفس الجمهور المستهدف، أو ممكن يتسوع بالشكل اللي يخليه يغزو سوق جديد لاستهداف مجموعة جديدة ومختلفة تمامًا من الجمهور. مثال شركة بتستهدف الشباب وكبار السن، قررت تستهدف الأطفال، شركة بتستهدف جمهور أجنبي، قررت تغزو السوق العربي وهكذا.

الفرق بين التوسع الرأسى والأفقى


التوسع بالنسبة للأنشطة التجارية دايما بيكون مقسوم لنوعين، نوع بيسمى التوسع الرأسى Vertical Integration، ونوع بيسمى التوسع الأفقي Horizontal integration.
المقصود بالنوع الأول Vertical Integration هو التوسع اللى بيتم على مستوى حدود النشاط نفسه، بداية من مرحلة الإنتاج، وصولًا لمرحلة التوزيع. يعني ايه الكلام ده ؟ يعنى مثلا نشاط تجاري بيبع البطاطس الجاهزة، فيقرر يتوسع على مستوى الإنتاج فى إنه بدل ما يشترى البطاطس من الموردين، يمتلك هو مزرعته الخاصة اللى تورد له المنتج بنفسها. أما لو حب يتوسع على مستوى التوزيع، فهو بدل ما يبيع المنتج ده لمنافذ التوزيع المختلفة ويتقاسم معاهم الأرباح، يمتلك هو سلسلة التوزيع الخاص به، ويتولى هو إدارة المهمة وأرباحها.
المقصود بالنوع الثانى Horizontal integration هو التوسع اللى بيتم على المستوى الجغرافي للنشاط وبتتعدى حدوده حدود مالك الشركة أو العاملين الأصليين فيها. يعنى ايه برضه ؟ يعنى مثلا محل أحذية قرر يتوسع محليًا أو عالميًا بزيادة عدد فروعه، فهنا البراند مبقئتش مقتصرة فى إدارتها على العاملين الأصليين فيها أو مرتبطة بحياة المالك الأصلى، بل هى مستمرة حتى بعد انفصال الإدارة المباشرة لأصحابها الأصليين.
نماذج التوسع الأفقي والرأسي في المبيعات
سنة 2003 أسست مجموعة مؤمن اللي كانت في الفترة دي من أنجح الشركات المصرية في الوجبات السريعة مصنع 3 شيفس للمجمدات وده كان واحد من مشاريع كتير بتخدم سلسلة مطاعم الوجبات السريعة اللي وصل عددها في 2012 لأكثر من 100 فرع على مستوى 6 دول وده بيسموه في الإدارة الإستراتيجية Vertical Integration أو التوسع الرأسي اللي فيه منه نوعين Backward و Forward على حسب موقعك من سلسلة الموردين أو ال .Supply chain

ما هو التوسع الرأسي؟


في حالة إنشاء مؤمن لمصنع 3 شيفس فده يعتبر Backward يعني هو توسع رأسياً في إتجاه المورد بتاعه وطبعاً الخطوة اللي بعدها اللي هو ممكن ينشىء مزارع مثلاً لتربية الماشية بدل ما المصنع يشتري ماشية من مزارعين،
وده بالظبط اللي عمله مصنع Concrete اللي توسع في الاتجاهين فوق وتحت Backward و Forward وده إنه كمصنع فتح محلات يقدر يبيع منها منتجاته ويستغني عن الموزعين والوكلاء وده اسمه Forward vertical Integration يعني إشترى اللي هيوزع أو اللي هيشتري من المصنع ويرجع يبيع للمستهلك وبرضه مصنع كونكريت عمل توسع رأسي من الناحية التانية اللي هو بدل ما المصنع يشتري قماش ويصنعه أنشأ مصنع نسيج علشان يورد لمصنع الملابس وبعد كده أخد خطوة أكبر لما لقى إن مصنع النسيج بيحصله مشاكل نتيجة تأخر الموردين في توريد القطن فاشترى أراضي زراعية يزرع فيها قطن ويوردها لمصنع النسيج اللي يطلعها قماش وبعد كده يوردها لمصنع الملابس اللي بينتج ملابس ويوردها للمحلات اللي بتقدمها للمستهلك النهائي وبكده قدر يمتلك السلسلة كامله Full supply chain .

مفهوم التوسع الرأسي:

فكرة التوسع الرأسي إنك تشتري أو تمتلك المورد بتاعك (Back) أو تمتلك الموزع بتاعك .(Forward)

ما هو التوسع الافقي؟:

التوسع الأفقي بنشوفه كل يوم وفيه أمثلة كتيرة زي إنشاء فروع جديدة لمؤمن أو كونكريت فده اسمه التوسع الأفقي وبكده نفهم إن التوسع الأفقي ممكن يبقى شغال مع التوسع الرأسي عادي وطبعاً فيه أمثلة كتيرة جداً على التوسع الأفقي زي كوك دور أو مونجيني أو لابوار لكن اللي عمل التوسع الأفقي بشكل مختلف لما أحد مؤسسي بركة أنشأ سلسلة جديدة c & co علشان يبقى توسع أفقي جوا نفس السوق لكن ببراند مختلف :)
نفهم مما سبق إن التوسع Integration هو عكس التعهيد Outsourcing والاتنين بيخضعوا للإدارة الإستراتيجية Strategic Management ولكن شركات ومؤسسات كتيرة جداً بتعمل الاتنين مع بعض تتوسع مثلاً أفقياً وتعهد رأسياً أو العكس فلازم ندرك إن البيزنس ليس له معادلة ثابتة ولا وصفة كل الناس تتبعها وإلا كان كل الناس عملت بيزنس وكل الناس كسبت ولا يوجد خاسر ولكن الموضوع بيعتمد على فهمك العميق لأدوات البيزنس المختلفة وكيفية اختيار الأداة المناسبة وتوقيت إستخدام الأداة يعني الموضوع إستخدام عقلك لتحقيق هدفك وتطويع أدوات البيزنس لتناسب ظروف مشروعك لتحقيق أقصى إستفادة ممكنة ... علشان كده ممكن مشروعين يستخدموا نفس الأداة وواحد فيهم ينجح والآخر يفشل لأنها تناسب مشروع ولا تناسب الآخر .
في النهاية الإدارة فن وليست قوالب جامدة ومقدار نجاحك يعتمد على حماسك ومعرفتك بأدوات البيزنس وموقف شركتك ومهاراتك الشخصية المكتسبة لإدارة كل ذلك



الخلاصة :
التوسع الافقى زيادة المبيعات | اضافة التوريد و التوزيع اليك Integrated
الوسع الراسي زيادة المنتجات | اضافة فروع اليك Branches