تصدق إنك مبسوط ومش زعلان

[قطة سيامى]

تصدق إنك عصيت ربنا و مبسوط و مش زعلان ..
عمرك سمعت حد بيقول :
أنا النهاردة ياجماعة مبسوطة جداااااااا
لأنى بصراحة النهاردة عصيت ربنا !!!!!!!
ومش يهمنى !!!
جاهرته بالمعصية ومش فرقت معايا !!!!
طب وإيه يعنى ؟؟!
المهم اتبسطت وقضيت وقت جميل وخلاص
ايه دا ... إيه دا ....؟؟
مالكم كدا بتحتقرونى بينكم وبين نفسكم؟!!
انتو كمان زييى
أه زيى
أو كنتم زيى
ومش تستغربوا أوى كدا
وتقولوا
لالالالالالالالا
دا احنا بنحب ربنا واستحالة نحاربه
لأ انتوا حاربتوه وبتحاربوه
طيب عيشوا معايا شوية فى المواقف دى كدا
ونشوف سوا
هل إحنا بنحارب ربنا ولا لأ
؟؟؟؟؟
أنا مبسوطة جداااا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان وماصدقت انه اتعرض

أنامبسوط جدااااااا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى

أما أنا مبسوطة جداااا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى

أنا مبسوط جداااا
كنت فى شات روم واتعرفت على بنت ارتحت اوى فى الكلام معاها
وكلمتها مايك بس صوتها جميل أوى
وقعدنا نتكلم للصبح

أنا مبسووووووطة جدا امبارح سمعت ألبوم المطرب .....
الألبوم تحــفة وأغانيه جميلة أوى فعلا كنت هموت وأسمعه
انتو عارفينى بأه
مش ينفع ينزل البوم جديد ومش يكون عندى

أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس مش قدر غيرى

وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......

مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا

فرحاااااااان لأننا كنا ف رحلة امبارح
وحصل بأه شوية حاجات

اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب

انا مش نمت امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل

وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة

أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا

أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنااان
مش شفت حد لابس منهم

من الآااااااااااااااااااااااخر
مبسووووووووووط /ة جداااااا لأنى ............................
عصيــــــت ربنا !!!!!!!!!!
هاااا
فكرتوا انكم ممكن تكونوا بتعملوا زيى
أو على الأقل كنتم بتعملوا كدا
يعنى مش لوحدى دا حالنا كلنا
مش هو دا لسان حالنا ياجماعة لما بنعمل المعصية؟
مش دا

حالنا فى المجاهرة بالمعصية ؟
يعنى الحمد لله ربنا سترنا ومش فضحنا
الحمد لله ربنا أحيانا ومش قبض روحنا واحنا بنعمل المعصية
مش نسكت بأه ونستر نفسنا
لاء
دا احنا بنخرج وبنجاهر بالمعصية وبنتمنظر بيها كمان !!
وبنقول لربنا
أنا عصيتك
وفرحان انى عصيتك
وهأحكى لكل الناس إنى عصيتك
ومش هيفرق معايا.......
(والله قلبى بينخلع وأنا بأكتب الجزء دا
ربنا يغفر لى )
قدرنا ياجماعة نقول كدا ؟؟
قدرنا نغضب ربنا بالطريقة دى؟؟
يااااااااا الله على جهلنا وعلى سوء معاملتنا مع ربنا
وهو ستير لعيوبنا ولذنوبنا
وإحنا والله لو ربنا حاسبنا كما يجب
كنا هلكنا دلوقتى من جراير أعمالنا
ياااااااه لما الواحد يفتكر أد ايه كان غافل وبعيد عن ربنا
ولما يفتكر ذنوبه وازاى ربنا كتب له الحياة علشان يكفر عنها
==========
وتحسبونه هيناً وهو عند الله عظيم
يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية
وعلى فكرة أنا مش مكبرة الموضوع ولا حاجة
دى تذكرة بسيطة ليا اولا وليكم وأتمنى أكون قدرت أوصلكم قصدى
علشان لو فيه حد فينا لسة بيجاهر بالمعصية يتنبه وياخد باله
ولو كان حد فينا عمل كدا زمان
وربنا هداه دلوقتى لكن مش
تاب يتوب
لأن الذنب لو ماتبناش منه ربنا هيحاسبنا عليه حتى لو كنا بطلنا نعمله
وطبعا دى كلها مواقف من وحى الخيال لكنها وااااقعية جدااااااا
بس حبيت أتكلم بصيغة المتكلم لأنها بتوصل أسرع وأفضل فى التعبير..
لما عصيتكَ لـم يكـن عقلـي معـي حتى صحوتُ فكدتُ أقطعُ إصبعـي يـا رب هـل عـذرٌ يبيـض وجنتـي إلا جمـيـل الـظـنِ فـيـك وأدمـعـي ِ يا رب ملء العيـن حجـمُ جريرتـي ولها صدىً كالرعـدِ ملءالمسمـع ِ عظمت فما شيءٌ يحيط بها سوى حـلـم الإلـــهِ وعـفــوه المـتـوقـع
السنة شجرة والشهور فروعها والأيام أغصانها والساعات أوراقها والأنفاس ثمارها فمن كانت أنفاسه في طاعة فثمرة شجرته طيبة ومن كانت في معصية .. فثمرته حنظلة .. لإبن القيم رحمه الله