كيفيـــة إضــافــة حســاب البنك الأهلي سوسيتيه جنرال NSGB على الــ AlertPay وسحب وإيداع مبلغ من وإلى الــ AlertPay عن طريق Bank Wire Transfer

بسم الله الرحمن الرحيم
السلام عليكم و رحمة الله و بركاته







أولا ً
رابط البنــــــــك لمن لم يسبق له التسجــيل
https://www.payza.com


تـــــــــــابــــع
>>>>>>>
ثانيــــا ً : كيفيـة ربـط حســاب بنك NSGB ببنك AlertPay

اقتباس:
المشاركة الأصلية كتبت بواسطة kasemnour
طيب يا باشا ممكن تقولنا انت كاتب ايه فى الصفحه ديه
يعنى ياريت تكتب لنا البيانات العامه اللى انت ختها من البنك علشان تربط الحساب بيه
دى صوره للبيانات



ياريت تشرحلنا عليها

اول خانه طبعا بتختار العمله الاساسيه المفتوحه فى حسابك وغالبا بتبقى الدولار
Account type : personal saving
Account number : رقم حسابك بالدولار ودا سهل بيبقى معاك
Bank code : سبها فاضيه
Branch code : دى بتبقى مكتوبه فى ورقه كده لما بتعمل ايداع لمبلغ او ممكن تسأل عليها فى البنك عادى وكل فرع ليه رقمه طبعا .
Swift Bic : NSGBEGCXXXX موحد لجميع فروع بنك سوستيه جنرال
IBAN : نظام اوربى زى السويفت كود بس فى بنوك اوروبا فقط سيبه فاضى .
Bank name : اسم البنك National Societe Generale Bank او اسم بنكك
Bank phone #: طبعا سهله مفيهاش مشكله .
Bank contact name : دا بيبقى اسم الموظف المسئول عن استلام الحوالات ف البنك ودا مهم لو حصلت مشكله فى حوالتك لقدر الله لو مش عارف الاسم سيبها فاضيه مش مشكله.

اتمنى انى اكون شرحت كل عمليه الربط واللى عنده سؤال او اى مشكله فى الربط ياريت يتكلم احنا اخوات





ثـانيـا ً : شــرح عمليــة إيــداع لبنــك الــ AlertPay عن طريق NSGB




فعــلا الTransaction completed والعمليه نجحت الحمدلله
وعايز اطمن النـاس وخصوصا المصريين


العمــليه تمـت بالضبـط فى 9ايــام من يوم 9-9
وانا هشـرح ليكو كل حاجه المفروض تتعمـل انا فاتح حساب الشباب فى N.S.G.B

طبـعا اول حاجـه هتربط حساب البنك بتاعك بالالرت بـاى وفيه موضوع عن كده فى المنتدى ولو واحد وقفت قدامه اى حاجه بخصوص الحكايه دى يسألنى .
تانى حاجه هتضغط على Deposit لو عايز تشحن و Withdraw لو عايز تسحب الحكايه سهله .
تالت حاجه لو هتشحن هتاخد الورقه دى وتعملها برنت وتروح للبنك بتاعك وتديهم الورقه دى وتقولهم انا عايز ابعت حواله للبيانات دى واهم حاجه انك تقول للموظف المسئول عن ارسال الحواله انه يحط الReference number مع البيانات اللى هيبعتها لانك لو محطتش الريف نمبر هيحصل تأخير للحواله .
العموله هتبقى 20$ علشان Wire











ثــالثــا ً : تجربتى الشخصيه مع سحب مبلغ من AlertPay عن طريق Bank Wire Transfer


فى بداية الامر عملت الموضوع ده عشان دى مشكله بتواجه اغلب الاخوه الى بيتعاملوا مع بنك AlertPay و عشان تعم الفائده و لا اسألكم الا صالح الدعاء ان شاء الله لكل شخص الموضوع هيفيدوا بأذن الله .

بداية الموضوع ان كلنا عارفين ان السحب عن طريق الفيزا متوقف فى ال AlertPay لانهم بيقوموا بتطويرات كبيره فى الموضوع ده و هيرجع اقوى من الاول بأذن الله فى القريب العاجل و الخبر ده من البلوج الرسمى للبنك و هو
http://blog.alertpay.com

بعد توقف موضوع السحب بالفيزا بقى الموضوع محصور فى سحب الاموال عن طريق خدمه Bank Wire Transfer و هى عباره عن تحويل بنكى من بنك أليرت باى الى البنك الى بتتعامل معاه فى دولتك .

- وصلنى مبلغ من المال على حسابى فى الأليرت و كنت عايز اسحبوا فا دخلت عملت Withdraw عن طريق خدمة Bank Wire وارتكبت غلطه هى انى كتبت فى رقم الحساب رقم ال ID بدل من رقم حسابى و ده فى بنك NSGB و كان مكتوب ان الطلب بيتقبل فى خلال من 2 - 4 ايام و اخد معايا 3 ايام و اتقبل و ده كان يوم 17/10 و تم الموافقه و ارسال المبلغ من البنك فى كندا .

فضلت منتظر كل يوم اتابع مع البنك كل يوم كل يوم نفس الاجابه : التحويل ما وصلش .
بعد كام يوم متابعه مع خدمه العملا للبنك فهمت ان المفروض رقم ال ID ده للتحويلات الداخليه فقط و عشان استقبل تحويل من خارج مصر لازم ادى الجهه الى هتحولى رقم الحساب Account No و ليس رقم ال ID .

بعد حوالى 20 يوم عمل لقيت الفلوس رجعت مره تانيه على اكونتى فى AlertPay و بعتولى رساله عالميل ان رقم الحساب كان غلط و ما قدروش يوصلوا لرقم الحساب ده و التحويل رجع تانى

المبلغ رجع مخصوم منو حوالى 4.89 دولار و هى عباره عن مصاريف نظرا لارسال و رجوع التحويل مره اخرى .

خلاصة الموضوع :
1- فى حالة انك عايز تحول عن طريق Bank Wire فى الأليرت باى لازم تكتب رقم حسابك الى هو مكون من 11 رقم و ليس رقم ال ID المكون من 10 ارقام .
بعض ارقام الحسابات بتكون باحد الاشكال دى :
XX_XXXXXXXXXXX_XX
XX_XXXXXXXXXXXXX
الصيغتين الى فاتوا رقم الحساب هو عباره عن ال 11 رقم الى متتاليين و ما بنكتبش الرقمين الى قبل الشرطه و لا بعدها .

2- لو حسابك بالمصرى مفيش اى مشكله خالص انك تستقبل عليه تحويل بالدولار التحويل هيوصلك عادى جدا ان شاء الله و هيتفتحلك حساب فرعى بالدولار تحت حسابك الاساسى بالمصرى تقدر تسحب منو بالدولار او بالمصرى فى حاله استلمت عليه مبلغ معين .

3- لو ما عندكش حساب بنكى و بتتعامل مع أليرت باى و عايز تعمل حساب اسهل طريقه هى عن طريق زياره لبنك NSGB (البنك الأهلى سوستيه جينيرال) و تطلب فتح حساب توفير
متطلبات فتح الحساب ده :
- بطاقة شخصية .
- 500 جنيه ااقل مبلغ للحساب .
- 15 جنيه رسوم فتح الحساب بيتم خصمها من مبلغ ال 500 جنيه الى هتحطهم فى الحساب .
و الحساب بيتفتح فى يوميها ان شاء الله و تقدر تستخدموا فى كل تعاملاتك بعد كده .

- و أنت بتعمل التحويل من أليرت باى بيطلب منك بيانات معينه و هى :
1- SWIFT CODE
2- Branch Code
3- Bank Telephone No
و دول بتقدر تجيبهم من خدمه العملا من البنك الى بتتعامل معاه .

ده نموذج السحب الخاص بيا عامل ازاي

طبعا هيتغير مع كل واحد حاجات معينة
بس دي الصيغة العامة و غير حسب بنكك و فرعك و اسمك و رقم حسابك


Country: Egypt
Bank Name: NSGB
Account Type: Personal Savings
Currency: U.S. Dollars
Branch Code 00086
SWIFT BIC NSGBEGCXXXX
Account Number 11322021027
Customer name: Samy Elaffifi
Bank Phone Number: 002225803800
Bank Contact Name:

و بالنسبه لموضوع العمولات كانت عمولة الأليرت باى 15 دولار و عمولة البنك حوالى 15 دولار كمان و سألت ليه العموله بتاعة البنك دى قالولى رسوم swift + رسوم فتح حساب فرعى بالدولار .
و بالنسبه للوقت فى اجمالى الوقت كان حوالى 7 أيام عمل يعنى بدون ما نحسب ايام اجازات البنك هنا الى هى جمعة و سبت
فى حالة قيامك بالتحويل بالطريقة الصحيحه ان شاء الله فى اليوم الى هيوصل فيه التحويل الى حسابك البنكى بعد الساعه 8 صباحا من اليوم التالى هتلاقى ان حسابك في نيتا بنك (خدمة الاطلاع على حساباتك البنكيه من الانترنت مقدمه من بنك NSGB) اتفتح فيه خانه جديده بالدولار و بتبقى زى الصوره دى :

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1021x127 .


رقم 1 : بيعبر عن رقم حساب التوفير الخاص بيك (الى انت عملتو لما روحت فتحت حساب فى NSGB) .

رقم 2 : بيعبر عن رقم حساب جديد اتفتحلك بالدولار عند استلام التحويل من بنك أليرت باى .

رقم 3 : بيعبر عن المبلغ الموجود فى حساب التوفير الخاص بيك .

رقم 4 : بيعبر عن المبلغ الى استلمتو فى حسابك الجديد الى بالدولار و بيساوى :

المبلغ الى انت حولتو - 15 دولار رسوم اليرت باى - 15 دولار رسوم البنك لاول تحويل فقط .

الحساب الجديد الى اتفتحلك بالدولار بيكون حساب فرعى بيندرج تحت نفس رقم ال ID الخاص بيك فى البنك و بتقدر تحول منو لحسابك العادى او تسحب منو بالدلار او بالمصرى زى ما تحب .







رابط البنــــــــك لمن لم يسبق له التسجــيل
https://www.payza.com