طرق المحاسبة فى اعلانات الفيس بوك

[Rise Company]

طرق المحاسبة فى اعلانات الفيس بوك

واحدة من اهم النقاط لنجاح الاعلان والوصول الى الهدف هو معرفة طرق المحاسبة لاختيار افضلها وتوافقها مع الهدف علشان كده قررنا اننا نساعدكم ونقدم مقالة فى طرق المحاسبة داخل كل نوع من انواع الاعلانات على الفيس بوك
لو بدءنا نتكلم اول حاجة عن واحد من اهم انواع الاعلانات هو : Post Engagement
اللى هو Boost your posts


داخل الـ Post Engagement موجود مجموعة من طرق المحاسبة وهى التالى

فى النوع الاول وهو الـ Post Engagement
يتم المحاسبة على التفاعل مع البوست سواء بلايك او كومنت او شير
وطبعا النوع ده بيستخدم لو انا عايز ازود التفاعل مع الصفحة .
اما النوع التانى فى المحاسبة فى النوع ده وهو الـ Daily Unique Reach

النوع ده هو انك تدفع مقابل الوصول الى جمهور غير مكرر يعنى الاعلان ميظهرش للشخص اكثر من مرة
والنوع ده بيستخدم لو عايز اوصل لاكبر عدد ممكن العملاء كالحفاظ على علامة تجارية مثلا .
اما النوع الثالث من انواع المحاسبة فى الاعلان الـ Post Engagement
وهو الـ Impressions


النوع ده بقي بيعنى انك هتتحاسب كل الف ظهور ولكن مش معناها انها تظهر لـ1000 شخص انما ممكن يكون لـ100 شخص وكل شخص يظهر له الاعلان 10 مرات انما لو عايز يكون لعدد اشخاص والاعلان ميتكررش يبقي تستخدم الـ Daily Unique Reach
النوع الثانى هو Page Like
النوع ده هدفه زيادة عدد لايكات الصفحة طيب طرق المحاسبة فيها اد ايه ؟؟
بص هما 2 بس مش كثير تعالى نتعرف عليهم فى الصورة اللى جاية


اول حاجة انى هتحاسب مقابل كل لايك جديدة على الصفحة اما الثانى هو Clicks وده انا بتحساب مقابل اى كليك تحصل على الاعلان حتى لو دخلت الصفحة ومعملتش لها لايك ولكنى تفاعلت مع الاعلان باى كليك
وطبعا واضح جدا من النوع ده انه لزيادة عدد فانز الصفحة .
النوع الثالث : Click to website


وطبعا واضح ان النوع ده لعمل تحويلات لموقعك وزيادة عدد زوار موقعك
النوع ده فى اربع طرق للمحاسبة هنتعرف على كل منهم

اول طريقه هى الـ Click to website
وده انا بتحاسب على كل زائر بيحوله الفيس لموقعى .
اما طريقة المحاسبة الثانية هى الـ Clicks



وهى اى كليك تحصل على الاعلان سواء كانت لايك او كومنت او شير حتى لو مدخلش على الموقع .
الطريقة الثالثة هى الـ Daily Unique Reach

وهى طريقة المحاسبة نفسها اللى شرحناها فى الـ Post Engagement
النوع ده هو انك تدفع مقابل الوصول الى جمهور غير مكرر يعنى الاعلان ميظهرش للشخص غير مرة واحدة .
الطريقة الرابعة هى الـ Impressions


النوع ده بقي بيعنى انك هتتحاسب كل الف ظهور ولكن مش معناها انها تظهر لـ1000 شخص انما ممكن يكون لـ100 شخص وكل شخص يظهر له الاعلان 10 مرات انما لو عايز يكون لعدد اشخاص والاعلان ميتكررش يبقي تستخدم الـ Daily Unique Reach
الخلاصة
خلى بالك من كل نوع ومن طرق محاسبته هيسهل عليك اختيار الطريق الصحيح
زى بالضبط لما كانو بيعلمونا زمان فهم السؤال نص الاجابة
السؤال دلوقتى انت اي نوع من انواع الاعلانات بتستخدمه وبتسخدم معاه اى طريقة محاسبة
انا عارف ان لسه فى طرق اخرى للاعلانات ولكن دوول الاشهر وان شاء الله هنحاول فى مقالات نغطى بقية الانواع .