اهم المصطلحات الخاصه بالويب زي Domain, Hosting, UX, UI Development

[Rise Company]

اهم واشهر المصطلحات الخاصه بالويب زي

Domain, Hosting, UX, UI Development

اهم واشهر المصطلحات الخاصه بالويب Domain, Hosting, UX, UI Development ....ETC وكتير من المصطلحات بنسمعها كل يوم لكن في منها بنبقي فاهمينه وفي مبنبقاش فاهمينه
النهارده هنتكلم عن شوية مصطلحات شائعه في مجال التكنولوجيا وتحديداً في مجال الويب

Domain بالعربي يعني نطاق ويمكنك شراءه من اي داتا سنتر وهوه بيكون اسم موقعك زي 0000.com وبيكون كلمة 0000 هيا اسم النطاق وال .com ده ال extention الخاص بالدومين يعني ممكن يكون .net , .org or .info وعشان تبقي عارف ازاي تختار ال extention المناسب ليك دي اهمهم وهنتكلم بالتفصيل لاحقا عنهم .com: Commercial (for-profit) websites .net: Network-related domains .org: Non-profit organizations

Server وبالعربي هوه الخادم وعشان منصعبش الموضوع ونبسطه ممكن نعتبره جهاز كمبيوتر ولكن بمواصفات عاليه زي 16 بروسيسور و 16 جيجا رام و 2 تيرا مساحه وبيكون مجهز للاتصال بالانترنت ومجهز للعمل بدون توقف نهائي ويتم وضعه بداخل بيئه تتناسب مع التشغيل الدائم وبيتم تقسيمه لسيرفرات مصغره ومساحات مصغره للمواقع

Hosting وهوه بالعربي يعني استضافه وده المكان الي بيتم تخزين فيه محتويات موقعك اونلاين يعني اي موقع عباره عن نطاق واستضافه والمساحه دي بتكون عباره عن مساحه مخصصه من السيرفر علي سبيل المثال لو موقعك صغير بتشتريله استضافه 2 او 3 جيجا وبتكون ارخص لان طبعا لو اشتريت سيرفر كامل هيكون ملوش داعي

DNS "Domain Name Server" وهي خدمه بتقوم بتحويل الدومين ب ip address عشان بيتم من خلال ال ip ربط الاستضافه بالنطاق الخاص بك

web mail وده بيكون ايميل لكن بيكون رسمي خاص بموقعك علي سبيل المثال بيكون [email protected] وده بيتم انشاءه من خلال لوحة الاستضافه الخاصه ب domain الخاص بك، وفي اكتر من طريقه لاستخدام الايميل الطريقه الاولي مجانيه وهي من خلال الدخول الي رابط موقعك والتوجه لنظام البريد علي سبيل المثال http://yourdomain.com/webmail الطريقه التانيه بتكون مدفوعه ودي من خلاله بتدفع تكلفه كل ايميل لشركه Google من خلال خدمه Gmail او من خلال شركة Microsoft وده من خلال خدمة ايميلات Outlook وبيتم ربطه من خلال لوحة التحكم الخاصه بيك وبتدفع تكلفته لشركة الايميلات بالاضافه الي شركه الاستضافه وده بيكون افضل في حالة ان شغلك بشكل كامل بيعتمد علي نظام الايميلات لان سيرفرات جوجل ومايكروسوفت مخصصه للايميلات لكن السيرفر الي موقعك عليه مخصص للاستضافه وغير مخصص بشكل كامل للايميلات

UI وهي User interface وبالعربي يعني واجهة المستخدم كمثال زي جوجل الصفحه الاولي الي فيها محرك البحث والاختيارات هي دي ال UI

UX وهوه ال User experience بالعربي يعني تجربه المستخدم وكنا اتكلمنا قبل كده عن ال UX لانه حاجه مهمه جدا ببساطه كل حاجه في حياتنا ليها UX زي البوست الي انا بكتبه دلوقت مكان الاضافه لازم يكون تحت الفورم ومكان اللايك والكومنت تحت البوست لان ببساطه عشان تعمل لايك لازم تكون وصلت لاخر البوست فطبيعي يكون في الاسفل

Back end وهوه بالعربي يعني لوحة التحكم او لوحة الاداره وفي بعض الناس بتقول عليه Control Panel ولكن في النهايه هيا عباره عن شاشات من خلالها بتقدر تتحكم في محتويات واجهة الموقع وبتحتاج اسم مستخدم ورقم سري عشان تقدر تتحكم فيها وبتكون مخصصه للاداره فقط

Front End وهي الواجهة الرئيسيه لموقعك الي بيدخل عليها الزوار والاعضاء ولا يشترط وجود رقم سري للدخول اليها لانها متاحه لكل الناس الي بتدخل الموقع ودي بتكون بتشمل كل حاجه تخص المستخدم الخاص بالموقع

CMS "Content Management System" وهوه عباره عن نظام ادارة محتوي والكلمه دي شائعه جدا لان ببساطه اي موقع دينامك بيشمل نظام ادارة محتوي الي من خلاله بتقدر تعدل وتحذف محتويات الموقع واي موقع سواء اخباري او رياضي او تجاري او شركه يندرج تحت نظام ال CMS ولكن يطلق عليه اسماء اخري بناءاً علي الخصائص الي فيه

admin وده مصطلح شائع في مجال الويب وهوه اختصار لكلمة administration وبالعربي يعني الاداره ودايما هتلاقي لوحة الموقع بتاعك علي رابط http://yourdomain.com/admin وغالبا بتلاقي اليوزر نيم admin

Suspend وده بيبقي عباره عن ايقاف مؤقت لموقعك بحيث ان ممكن الشركه المستضيفه تعمل لموقعك suspend بسبب تأخر السداد او بسبب انتهاك حقوق الملكيه او بسبب اي خطأ نتج عن تسبب ضرر للشركه المستضيفه

Bandwidth or Traffic معناها بالعربي الحركات المروريه يعني لكل موقع bandwidth وبيتم استهلاكه بناءاً علي عدد الزوار وتحركاتهم داخل موقعك يعني كل استضافه ليها باندويدث واي شركه بتقولك unlimited bandwidth تقدر ترد عليها لان زي ما شرحنا ان الهوست جزء من السيرفر والسيرفر عباره عن جهاز كومبيوتر بمواصفات عاليه طيب هل الجهاز ده يستحمل مليار عمليه دخول عليه ؟؟ طيب هل الشركه المستضيفه هتديلك مساحه غير محدوده عشان تستهل مليون زياره وبالتالي تسحب موارد السيرفر كله او تتسبب في تلف السيرفر .؟؟ وانت بتدفع تكلفه استضافه ؟؟

Sub domain او النطاق الفرعي وده بيكون غير مدفوع للداتا سنتر لان ده بيكون امتداد من موقعك يعني علي سبيل المثال cms.yourdomain.com وده بتقدر تحجزه من خلال لوحة تحكم الاستضافه الخاصه بيك وبيكون داخل لوحة التحكم الخاصه بالاستضافه وبيعامل معامله ال Folder

Parked Domain وهوه بيكون عباره عن دومين عادي ممكن تشتريه من الداتا سنتر لكن من خلال الاستضافه او السيرفر بتستطيع انك تربطه بالدومين الاساسي الخاص بيك يعني مثلا زي جوجل دي مجموعه من الدومينات الخاصه بيه google.net , google.org , google.info لو فتحت اي دومين منهم هتلاقيه اتوماتيك بيحولك علي google.com وده هوه ال Parked Domain