شرح توصيل سلك النت بمخطط A و مخطط B
شرح طريقة توصيل سلك النت بفيشة الحائط
شرح توصيل و كبس كل من الــRJ الــ RJ Jack
طريقه ترتيب الالوان في كابل ال Ethernet

عند توصيل فيشة النت لابد من مراعاه الترتيب الصحيح للالوان

طرق توصيل الأسلاك بكل من الــ RJ و الــ RJ Jack حسب الألوان:
هناك نظامان متبعان
1- Standard A
2- Standard B

هام جدا :
يمكنك توصيل اسلاك النت بالنظامين A مع B بالسويتش دون اى مشاكل
بشرط ان اى سلك يكون الطرف الاول و الاخير بنفس النظام المتبع

مثال :
لديك سلك نت الطرف الاول بنظام A متصل بالسويتش و الاخر فى الحائظ بنظام A
يمكنك وضع بها سلك بنظام B داخل النقطه فى الحائظ و الاخر فى الكمبيوتر
اى ان السويتش يمكنه جمع نظام الوان A مع B
1- النظام Standard A
Pin # Wire Color
ليست شائعه
---------------------------------------
1 White Green
2 Green
3 White Orange
4 Blue
5 White Blue
6 Orange
7 White Brown
8 Brown

2- النظام Standard B:
Pin# Wire Color
الاكثر انتشارا وشيوعا
--------------------------------------
1 White Orange
2 Orange
3 White Green
4 Blue
5 White Blue
6 Green
7 White Brown
8 Brown

مع العلم انه يمكن ان نعمل أي نظام لترتيب الالوان بشرط ان نطبقه على نفس السلك من الطرفين
و لكن يفضل العمل على احد النظامين السابقين لانه لم يتم وضعهما اعتباطيا.

كود الالوان Color code


3 انواع مشهوره للكابلات بيكون ترتيب الالوان فيها مختلف

كل واحد له استخدام معين حسب انت بتوصل ايه بأيه وهم:
Straight
Cross
Console
و زي ما هو باين في الصوره ترتيب الالوان فيهم مختلف.. و بترتيب الألوان اللي في الصوره ممكن نعمل ال3 انواع المذكورين و تأرج الكابل بتاعك عادي بأرجيه Rj45

و نبسط شويه اللي في الصور لطريقه ترتيب الوان السلوك بالنسبه لل Straight و Cross
------------------------------------------------------
النوع الاول Straight
------------------------------------------------------
في الاستخدام العادي كل اللي بنستخدمهم في الكابل 4 سلوك بس من اصل 8 بس انت طبعا بتعمل ال 8 بنفس الترتيب برضه ..

ففي ال Straight
اول سلكين1 و 2 في الطرف الاول بيكونوا مثلا هما الارسال له TX
و اول سلكين 1 و 2 في الطرف التاني بيكونوا هما الاستقبال له RX
يعني
1TX -- 1RX
2TX -- 2RX
تاني بمعني ان السلكين 1 و2 في اول طرف بيبعتوا في 3 و6 في الطرف التاني وهكذا للي جاي ..
و السلكين 3 و 6 في الطرف الاول بيكونوا هما الاستقبال له RX
و السلكين 3 و 6 برضه في الطرف التاني بيكونوا هما الارسال له TX
يعني
3RX -- 3TX
6RX -- 6TX
نلخصها تاني يعني
1 واصل 1
نكتبها كدا
1-1
وهكذا يبقي
1-1
2-2
3-3
6-6
لو تلاحظ انهم متماثلين علشان كدا سميناها Straight
------------------------------------------------------
النوع التاني Cross
------------------------------------------------------

فمثلا هو مثبت اول سلكين 1 و2 في كل طرف للارسال و السلكين 3 و 6 في كل طرف برضه للاستقبال بمعني..
1TX -- 3RX
2TX -- 6RX

3RX -- 1TX
6RX -- 2TX
تاني نلخصهم.. السلوك واصله كدا ببعض:
1-3
2-6
3-1
6-2



طيب دلوقتي محتاجين نفهم نستخدم انهي كابل او طريقه في التوصيل عندي ؟

مبدئيا هنقسم الاجهزه بتاعتنا لقسمين

النوع الاول ...MIDI

ودا تقدر تقول ان فيه الاجهزه اللي بتفهم زي
Router وليس ADSL
PC
Server
Access Point
IP phone

النوع التاني ...MIDIX
ودا بيكون فيه الاجهزه التانيه او تقدر تقول اللي مبتفهمش IP
زي السوتش
Switch
Hub



القاعده هنا
حاجتين من نفس القسم يبقي نوصلهم Cross

لو قسمين مختلفين يبقي نوصلهم Straight
علشان توصل اي جهاز من النوع الاول بالتاني يبقي تستخدم طريقه ال Straight
امثله .. توصيل كمبيوتر بسويتش.. او راوتر بسويتش

اما لو هتوصل جهازين ببعض من نفس القسم يبقي هتوصل بطريقه ال Cross
امثله.. سويتش بسويتش.. كمبيوتر براوتر .. كمبيوتر بكمبيوتر..


طيب هل معني كدا انك لو وصلت مثلا الكمبيوتر بالراوتر بطريقه ال Straight انه مش هيشتغل ؟ هنا هقولك ممكن يشتغل وممكن لا علي حسب الجهازين لان بعض الاجهزه زي بعض الراوترز بيكون فيها خاصيه انه في بدايه التوصيل بيفاوض الجهاز اللي قدامه علي السلوك اللي هيتم فيها الارسال و الاستقبال فساعتها هيفهم انت موصل انهي كابل ويشتغل عادي لكن يفضل طبعا انك دايما تبقي ماشي Stander

------------------------------------------------------
النوع الثالث Console
------------------------------------------------------

و دا استخدامه ممكن يكون قليل وغالبا مش بتضطر تعمله بنفسك فغالبا هتلاقيه جاهز ودا للتوصيل بفتحه ال Console في السوتشات و الراوترز

------------------------------------------------------------------------------------------------------------

الــ RJ و الــ RJ Jack : -

* الــ RJ:
و هي الوصلة الــMale و التي تصل بين كابل الشبكة و كرت الشبكة في الجهاز او الهب او السويتش ويكون ترقيم الــpins كما في الصورة .
و يتم كبسها بمكبس خاص Crimper على حسب نوعها وذلك بترتيب الاسلاك حسب أي نظام ثم رصها بجوار بعضها و ادخالها داخل الــRJ ثم كبسها جيدا.

* الــ RJ Jack :
و هي الوصلة الــFemale و التي توصل فيها الــ RJ وهي المدخل في كرت الشبكة في الجهاز او الهب او السويتش وتكون مرقمة الــpins او تكون الالوان موجودة عليها كما في الصورة
ويتم تتثبيت الاسلاك بين اسنان كل pin وذلك باستخدام أي اداة رفيعة الرأس او باستخدام اداة punchdown tool كما في الصورة و ذلك بضغط السلك بين سني كل pin فتمزق الاسنان غلاف السلك و تصل للمعدن فتتم عملية التوصيل بين السلك و الــPin.

ملاحظة هامة : عند تركيب كابل شبكة في احد اطرافه RJ وفي الطرف الاخر RJ JACK يكون ترتيب الالوان على PINS الــ RJ نفس ترتيب الالوان على PINS الــ RJ JACK


وهتلاقي الترتيب ده مكتوب عليها في الجمب



هنبتدي نوصل كل سلك بالفتحه الخاصه بيه وفقا للترتيب ده :-

هتوصل السلك الابيض ازرق---------> بالفتحه A
هتوصل السلك ازرق-----------------> بالفتحه l1
هتوصل السلك ابيض بنى ------------> بالفتحه t
هتوصل السلك بنى -------------------> بالفتحه ts
هتوصل السلك ابيض برتقالى---------> بالفتحه b
هتوصل السلك برتقالى ---------------> بالفتحه l2
هتوصل السلك ابيض اخضر ---------> بالفتحه 2
هتوصل السلك اخضر ---------------> بالفتحه tx

1-(Y)------------------------> برتقالى ابيض
2-(M)------------------------> برتقالى
3-(G)------------------------> ابيض اخضر
4-(K)------------------------> ازرق
----------------------------------------------
5-(D)------------------------> ابيض ازرق
6-(R)------------------------> اخضر
7-(C)------------------------> ابيض بنى
8-(B)------------------------> بنى
وبهذا ييكون الترتيب النهائى والصحيح للتوصيل
------------------------------------------------------
ملحوظة هامة :

زي ما قولنا ان احنا مستخدمين 4 سلوك بس من ال8 يعني احيانا ممكن يكون سلك مقطوع في الكابل بس لسه شغال و دا لانه مقطوع من ال4 الغير مستخدمين..
وهنا بنيجي للسؤال باقي ال4 سلوك دول لزمتهم ايه في الحياه ؟؟؟
الاستخدام الاول لو انت بتوصل مثلا سوتشين ببعض ببورتات جيجا Giga-Ethernet فهنا علشان يقدر يبعت بسرعه 1000 ميجا بت في الثانيه بيستخدم ال 8 سلوك كلهم اما غالبا عندنا في البيوت بيكون الاتصال بسرعه 100 ميجا بت في الثانيه لان البورتات اصلا سرعتها كدا .. و الاستخدام التاني بيكون لما بتوصل مثلا IP phone بسوتش فيه خاصيه ال PoE
Power Over Ethernet بمعني انك مش بتوصل التليفون بالكهربه لا هنا السوتش بيدي التليفون الكهربه بتاعته علي ال 4 سلوك التانيين دول ..